Germaniya Qazaqstan ekonomikasına 8,5 milliard dollar mölşerinde investiciya qwyğan. Investiciyalardıñ 90%-ı şikizatqa qatısı joq salalarğa salınğan. Bwl jöninde Qauipsizdik jönindegi Myunhen konferenciyasında mälim boldı.
Keşe Qazaqstan prezidenti atalğan konferenciyağa qatısu maqsatında Myunhenge resmi issaparmen ketken bolatın. Jiınğa 40-qa juıq memlekettiñ basşıları, 100-den astam sırtqı ister jäne qorğanıs ministrleri, halıqaralıq qatınastar salasındağı bedeldi sarapşılar qatıpaq. Sonımen qatar, Qasım-Jomart Toqaev sapar barısında Germaniyanıñ oñtüstigine de baradı. Myunhen konferenciyasınıñ jwmısına qatısumen qatar, ol nemis biznesiniñ köşbasşılarımen de eki jaqtı kezdesuler ötkizedi.
Bundestag deputatı Aksel' Fişer: «Prezident Toqaevtıñ Europağa alğaşqı saparı Germaniyadan bastalğanı zor mağınağa ie. Bwl eki eldiñ qarım-qatınasınıñ berik ekeniniñ belgisi. Biz üşin de Qazaqstan Ortalıq Aziyadağı eñ mañızdı äriptes. Intımaqtastığımızdıñ auqımın keñeytuge mol mümkindikterimiz bar. Ekonomikamen qatar ğılım men bilim beru salalarında äriptestik ornattıq. Biz öz jağımızdan ärdayım täjiribemizben bölisuge dayınbız», – deydi.
Biıl Qazaqstan jäne Germaniya arasında diplomatiyalıq qatınastardıñ ornağanına 28 jıl tolıp otır. Osıdan eki ay bwrın Qazaqstan prezidenti men Germaniya kancleri kezdesu ötkizip, nätijesinde taraptar 2,4 milliard dollar köleminde kelisimşartqa qol qoyğan. Qazirgi uaqıtta Qazaqstan ekonomikasınıñ türli salalarında nemis kapitalı bar 900-ğa juıq kompaniya jwmıs isteydi. Olardıñ arasında bükil älemge tanımal brendtermen qatar şağın firmalar da bar.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı