Körneki suret. https://www.arnapress.kz

Uhan'dağı qazaqstandıq studentter jaqın arada elge qaytarılmaq.

Otandıq telearnalardıñ habarlauınşa, Qıtaydağı qazaqstandıq studetterdi elge qaytaru mäselesi jiti nazarda. Qazirgi uaqıtta studentter elşilikpen tığız baylanıs ornatqan. Sırtqı ister ministrliginiñ deregi boyınşa, qazir Qıtayda qazaqstandıq 94 student bilim alıp jatır.

Bwl mäsele töñireginde tauarlardıñ sapası men qauipsizdigin baqılau komiteti basşısınıñ orınbasarı Jandarbek Bekşin: «Eger bizdiñ studentter sol jaqta baylanısqa tüsken bolsa, emdelui kerek. Sırtqı ister ministrligi, Konsuldıq arqılı aqparatpen qamtamasız etetin bolamız. Biraq olardı sol jerden alıp ketu, aymaqtan şığaru mümkin emes. Olardıñ sau ekenine köz jetkizuimiz kerek. Epidemiologiya erejeleri osınday», – dep mälimdedi.

26 qañtarda ötken ükimet keñesinde «memlekettik şekaradağı ötkizu punkterinde sanitarlıq-epidemiologiyalıq jäne köşi-qon baqılauın küşeytu (äue, kölik jäne temir jol nısandarı da)» turalı şeşim qabıldanğan. Sonımen qatar, Qıtaydağı qazaqstandıqtarmen tığız baylanıs ornatıp, olarğa qajetti konsuldıq kömek beru; qajet jağdayda Uhan' qalasındağı Qazaqstan azamattarın şwğıl evakuaciyalau mäselesi qarastırıldı.

2019 jıldıñ jeltoqsanınan bastap Qıtayda belgisiz koronavirustıñ taraluınan keyin el biligi Hubey provinciyasındağı on qalanı «karantinmen jauıp» tastadı. Bügingi jağday boyınşa, Qıtayda koronavirustan 80 adam köz jwmğan.

"The Qazaq Times"