Koronavirustıñ jaña ştamdarı men jaña tolqındarınan milliondağan adamdar japa şegip jatqanda halıqaralıq qauımdastıq pen Qıtay arasında virustıñ şığut tegi turalı dau-damay tağı uşıqtı.

Qıtay koronavirustıñ payda boluın anıqtau boyınşa Düniejüzilik Densaulıq Saqtau Wyımınıñ ekinşi satıdağı tergeu amaldarın qabıldaudan bas tarttı. Zertteudiñ bwl satısında virustıñ Qıtay zertqanasınan taraluı mümkin degen gipotezanı da qarastıru közdelgen edi.

DDW osı ayda jaña koronavirustıñ şığu tegin anıqtau boyınşa zertteulerdiñ ekinşi kezeñin jürgizudi wsınğan bolatın. Beyjiñ ükimetinen Uhandağı Uhandağı zerthanalar men bazarlardıñ auditin, sonday-aq tergeu amaldarına barınşa aşıq boluğa şaqırğan.

Bwğan qatıstı Qıtay Wlttıq densaulıq saqtau jönindegi komissiyasınıñ (NHC) jetekşisiniñ orınbasarı Çıñ Işiñ: «Biz qadağalaudıñ mwnday josparın qabılday almaymız. Sebebi, bwl belgili täsilder arqılı jalpı tanımdı bwrmalauşılıq, ğılımğa qayşı», – degen mälimdeme jasadı.

DDSW-nıñ kezekti zertteu josparında «Uhandağı zerthanalarda protokoldardıñ bwzıluı virustıñ sırtqı şığıp ketuine sebep bolğan boluı mümkin» degen  gipoteza da qarastırılmaq bolğan. Joğarıda atalğan Qıtay densaulıq saqtau salasınıñ joğarı lauazımdısı jurnalisterge bwl jospardı oqıp tañ qalğanın aytqan. Çıñ Beyjiñniñ bwğan deyingi poziciyasın qaytaladı. YAğni, Qıtay müddesine sayatın qwpiyalıqtı eskere otırıp, keybir derekterdi tolığımen jariyalau mümkin emes ekenin aytqan.

Esteriñizde bolsa şildeniñ bas şeninde DDSW basşısı virus tarala bastağan alğaşqı birneşe kündegi tüpnwsqa derekterdiñ bolmauı, Qıtaydağı COVID-19 pandemiyasınıñ şığu tegi turalı zertteu qorıtındısın şığaruğa kedergi keltirildi dep mälimdegen edi.

“The Qazaq Times”