كورنەكى سۋرەت. https://www.arnapress.kz

ۋحانداعى قازاقستاندىق ستۋدەنتتەر جاقىن ارادا ەلگە قايتارىلماق.

وتاندىق تەلەارنالاردىڭ حابارلاۋىنشا، قىتايداعى قازاقستاندىق ستۋدەتتەردى ەلگە قايتارۋ ماسەلەسى ءجىتى نازاردا. قازىرگى ۋاقىتتا ستۋدەنتتەر ەلشىلىكپەن تىعىز بايلانىس ورناتقان. سىرتقى ىستەر مينيسترلىگىنىڭ دەرەگى بويىنشا، قازىر قىتايدا قازاقستاندىق 94 ستۋدەنت ءبىلىم الىپ جاتىر.

بۇل ماسەلە توڭىرەگىندە تاۋارلاردىڭ ساپاسى مەن قاۋىپسىزدىگىن باقىلاۋ كوميتەتى باسشىسىنىڭ ورىنباسارى جانداربەك بەكشين: «ەگەر ءبىزدىڭ ستۋدەنتتەر سول جاقتا بايلانىسقا تۇسكەن بولسا، ەمدەلۋى كەرەك. سىرتقى ىستەر مينيسترلىگى، كونسۋلدىق ارقىلى اقپاراتپەن قامتاماسىز ەتەتىن بولامىز. بىراق ولاردى سول جەردەن الىپ كەتۋ، ايماقتان شىعارۋ مۇمكىن ەمەس. ولاردىڭ ساۋ ەكەنىنە كوز جەتكىزۋىمىز كەرەك. ەپيدەميولوگيا ەرەجەلەرى وسىنداي»، – دەپ مالىمدەدى.

26 قاڭتاردا وتكەن ۇكىمەت كەڭەسىندە «مەملەكەتتىك شەكاراداعى وتكىزۋ پۋنكتەرىندە سانيتارلىق-ەپيدەميولوگيالىق جانە كوشى-قون باقىلاۋىن كۇشەيتۋ (اۋە، كولىك جانە تەمىر جول نىساندارى دا)» تۋرالى شەشىم قابىلدانعان. سونىمەن قاتار، قىتايداعى قازاقستاندىقتارمەن تىعىز بايلانىس ورناتىپ، ولارعا قاجەتتى كونسۋلدىق كومەك بەرۋ; قاجەت جاعدايدا ۋحان قالاسىنداعى قازاقستان ازاماتتارىن شۇعىل ەۆاكۋاتسيالاۋ ماسەلەسى قاراستىرىلدى.

2019 جىلدىڭ جەلتوقسانىنان باستاپ قىتايدا بەلگىسىز كوروناۆيرۋستىڭ تارالۋىنان كەيىن ەل بيلىگى حۋبەي پروۆينتسياسىنداعى ون قالانى «كارانتينمەن جاۋىپ» تاستادى. بۇگىنگى جاعداي بويىنشا، قىتايدا كوروناۆيرۋستان 80 ادام كوز جۇمعان.

"The Qazaq Times"