Körneki suret. Foto: https://publisher

Düniejüzilik densaulıq saqtau wyımı koronavirus infekciyasınıñ taraluın pandemiya dep tanıdı. Bwl turalı wyımnıñ bas direktorı Tedros Adanom Gebreisus habarladı.

Jenevada ötken brifing kezinde wyım ökilderi: «Aldağı tayau künderi jäne tayau aptada COVID-19-ti jwqtıru faktileri, ölim jağdayları jäne zardap şekken elder sanı bwdan da artatının boljap otırmız. Biz COVID-19 infekciyasınıñ taraluın pandemiya dep sipattauğa boladı degen twjırımğa keldik», – dedi.

Bügingi derekter boyınşa, älemde qauipti virustı jwqtırğandar sanı 124997 adamğa jetken. Qaytıs bolğandar sanı – 4622 adam.

Ayta keteyik, pandemiya – bir eldiñ twtas aumağın, irgeles memleketterdi, keyde tipti düniejüziniñ köp elin qamtitın ayrıqşa küşti epidemiya. Ol – belgili bir indettiñ twtas bir halıqqa jappay jwğuı. Düniejüzilik densaulıq saqtau wyımı mwnıñ aldında 2009 jılı twmau virusınıñ H1N1 serotipiniñ («şoşqa twmauı») taraluın pandemiya dep jariyalağan edi.

"The Qazaq Times"