M'yanmadağı mwsılmandarğa bağıttalğan qırğınşılıqqa qatıstı BWW-nıñ Gaagadağı sotı soñğı şeşimin jariya etpek. M'yanma ükimeti 600 mıñnan astam rohindja mwsılmandarına qarsı genocid jasadı dep ayıptalğanı belgili. Eger bwl ayıptau twraqtandırılsa, BWW tarabınan rohindjalardı qorğauğa aluı mümkin.

Mäseleniñ halıqaralıq sotta qaraluı jäne genocid ayıbınıñ tağıluı M'yanma lideri jäne Nobeldiñ beybitşilik jönindegi sıylığınıñ iegeri Aun San Su Çjidıñ bedeline ülken nwqsan keltirgeni anıq. Ol Gaagadağı sotta M'yanma ükimetiniñ poziciyasın özi qorğap jatır.

Esteriñizde bolsa, 2016 jıldıñ qazan ayı jäne 2017 jıldıñ jeltoqsanında M'yanma qarulı küşteri rohindjalar qonıstanğan Rakhayn aymağına äskeri operaciya jürgizgen bolatın. M'yanma biligi bwl äskeri operaciyanıñ bengaldıq lañkesterge bağıttalğanın aytadı. Biraq, sonıñ nätijesinde 900 mıñğa juıq rohindja körşiles Bangladeşke qaşıp ötken edi.

Osı oqiğağa baylanıstı «Şekarası därigerler wyımı» jasağan mälimdemede, 6700 rohindja qaza tapqanı, onıñ 700-den astamı balalar ekeni aytılğan edi. 2018 jılı BWW adam qwqıqtarı jönindegi komiteti rohindjalarğa qarsı massalıq qırğın jäne genocid belgileri bolğan dep ayıptadı. Biraq, M'yanma biligi bwl ayıptı joqqa şığardı jäne qarulı äreketti qaraqşılarğa qarsı jasağanın ayttı.

“The Qazaq Times”