Jazuşı Irısbek Däbey jäne "Jas Alaş" gazetiniñ bas redaktorı Inga Imanbay. Foto: I. Däbeydiñ "FB" paraqşasınan.

Jaqında ğana bas redaktorı almasqan «Jas Alaş» gazetiniñ redakciyasında tağı da kadrlıq jañarular bolıp jatır. Ğasırlıq tarihı bar äri respublikalıq täuelsiz basılım retinde atalatın gazettegi bwnday özgerister közqaraqtı oqırmanın eleñ etkizgeni belgili. Al, bügin jazuşı, belgili jurnalist Irısbek Däbey «Jas Alaş» gazeti redaktorınıñ orınbasarı boldı.

Irısbek Däbey bwl turalı mälimetti öziniñ äleumettik jelidegi paraqşasında rastağan. Ol «Feysbuk» paraqşasında Inga Imanbay «kötergen jüktiñ bir jağın demesuge şeşim qabıldağanın» jazğan bolatın.

Irısbek Däbey bwğan deyin ädebiet oqırmandarına «Äkelerimiz aytatın äñgime», «Möltil», «Jılqı atılğan jaz» qatarlı birqatar sübeli tuındıların wsınğan bolatın. 2011 jılğı Jañaözen oqiğasın arqau etken «Qoñız» kitabı bıltır jeltoqsan ayında twsauı kesilip oqırmanğa jol tartqan bolatın. Täuelsiz jıldarımızdıñ qara dağı ispetti tarihi oqiğanı arqau etken şığarma ziyalı qauım ortasında öz alqauın da alğan.

Qalamger, belgili jurnalist äriptesimiz Irısbek Däbeydi jaña ornımen qwttıqtay otırıp, qazaq aqparat keñistiginde orını bölek basılımnıñ wjımına şığarmaşılıq tabıstar tileymiz!

“The Qazaq Times”