Almatı prokuraturasına kelip twrğan Janbolat Mamay bastağan Dempartiya qoldauşıları. 20 qañtar 2020 jıl. Foto: Azattıq / Mänşük Asautay

Bügin, düysenbi Almatı qalasınıñ prokuraturasına sayasatker Janbolat Mamay bastağan bir top bastamaşıl ökilder barıp, Dempartiyanı wyımdastıru komitetiniñ aymaqtardağı jäne Jetisu öñirindegi müşelerine ärtürli qısım jürip jatqanın jetkizdi.

Bwğan deyin bıltır  26 jeltoqsanda «Demokratiyalıq partiyanı wyımdastıru komiteti» ädilet ministrligine 1122 adamnan twratın qoldauşılar tizimin tapsırğan, «Sayasi partiyalar» turalı zañ negizinde jauaptı vedomstvo mwnı sol küni-aq rastağan.

– Nigizi zañ boyınşa osı uaqıttan bastap eki aydıñ işinde sayasi partiyanıñ qwrıltay s'ezin ötkizuimiz kerek. Biraq Almatı qalası men Almatı oblısındağı bastamaşıl top ökilderiniñ üyin jergilikti äkimşilik qızmetkerleri men policiya qızmetkerleri teksere bastadı. Bastamaşıl top müşeleriniñ tizimin ädilet ministrligine ğana bergenbiz. Osı sebepti bwl ministrlikti tekserudi, bastamaşıl top müşelerin quğındaudı toqtatudı, demokratiyalıq partiyanınıñ qwrıltay s'ezin wyımdastıruğa kedergi keltirmeudi talap etemiz, – dedi Janbolat Mamay jiın barısında.

Onıñ sözinşe, jergilikti küştik qwrılım men äkimşilik jüye azamattarğa jwmıs ornı, tuıstarınıñ qızmetin jandı twsınan älimjettik körsetip, köpe-körneu zañ bwzuşılıqtar bolıp jatır. Jospar boyınşa 26 aqpanda Dempartiyanıñ s'ezi sağat 11:00-de ötui tiis. Wyımdastıru komitetiniñ jetekşisiniñ aytuına qarğanda, "respublika köleminde belsendilerge qısım iqrsetu arqılı bilik aldağı zañdı qwrıltaydıñ ötkizbeuge küş saluda".

Jergilikti atqaruşı bilik tarapınan swrauğa wşırağan birneşe belsendiniñ atı-jönin atağan bastamaşıl top jetekşisi «Konstituciya boyınşa är adamnıñ sayasi partiya qwramında boluğa jäne qaysısınıñ qatarında ekenin aytuğa jäne aytpauğa qwqığı bar, policiya men äkimşilik qızmetkerleri konstituciyanı bwzıp otır» dep esepteydi. Sonday-aq ol aldağı uaqıttı özge qwqıq qorğau organdarına jeke twlğalardıñ mälimetterin tarattı dep ayıptaytın ädilet ministrin sotqa bermek oyın bölisti.

Prokuratura partiya qwrudı közdeytin bastamaşıl toptıñ talap arızın qabıldadı.

"The Qazaq Times"