الماتى پروكۋراتۋراسى دەمپارتيانىڭ «قىسىم كورگەنى» تۋرالى شاعىمىن قابىلدادى

بۇگىن، دۇيسەنبى الماتى قالاسىنىڭ پروكۋراتۋراسىنا ساياساتكەر جانبولات ماماي باستاعان ءبىر توپ باستاماشىل وكىلدەر بارىپ، دەمپارتيانى ۇيىمداستىرۋ كوميتەتىنىڭ ايماقتارداعى جانە جەتىسۋ وڭىرىندەگى مۇشەلەرىنە ءارتۇرلى قىسىم ءجۇرىپ جاتقانىن جەتكىزدى.

بۇعان دەيىن بىلتىر  26 جەلتوقساندا «دەموكراتيالىق پارتيانى ۇيىمداستىرۋ كوميتەتى» ادىلەت مينيسترلىگىنە 1122 ادامنان تۇراتىن قولداۋشىلار ءتىزىمىن تاپسىرعان، «ساياسي پارتيالار» تۋرالى زاڭ نەگىزىندە جاۋاپتى ۆەدومستۆو مۇنى سول كۇنى-اق راستاعان.

– نىگىزى زاڭ بويىنشا وسى ۋاقىتتان باستاپ ەكى ايدىڭ ىشىندە ساياسي پارتيانىڭ قۇرىلتاي سەزىن وتكىزۋىمىز كەرەك. بىراق الماتى قالاسى مەن الماتى وبلىسىنداعى باستاماشىل توپ وكىلدەرىنىڭ ءۇيىن جەرگىلىكتى اكىمشىلىك قىزمەتكەرلەرى مەن پوليتسيا قىزمەتكەرلەرى تەكسەرە باستادى. باستاماشىل توپ مۇشەلەرىنىڭ ءتىزىمىن ادىلەت مينيسترلىگىنە عانا بەرگەنبىز. وسى سەبەپتى بۇل مينيسترلىكتى تەكسەرۋدى، باستاماشىل توپ مۇشەلەرىن قۋعىنداۋدى توقتاتۋدى، دەموكراتيالىق پارتيانىنىڭ قۇرىلتاي سەزىن ۇيىمداستىرۋعا كەدەرگى كەلتىرمەۋدى تالاپ ەتەمىز، – دەدى جانبولات ماماي جيىن بارىسىندا.

ونىڭ سوزىنشە، جەرگىلىكتى كۇشتىك قۇرىلىم مەن اكىمشىلىك جۇيە ازاماتتارعا جۇمىس ورنى، تۋىستارىنىڭ قىزمەتىن جاندى تۇسىنان الىمجەتتىك كورسەتىپ، كوپە-كورنەۋ زاڭ بۇزۋشىلىقتار بولىپ جاتىر. جوسپار بويىنشا 26 اقپاندا دەمپارتيانىڭ سەزى ساعات 11:00-دە ءوتۋى ءتيىس. ۇيىمداستىرۋ كوميتەتىنىڭ جەتەكشىسىنىڭ ايتۋىنا قارعاندا، "رەسپۋبليكا كولەمىندە بەلسەندىلەرگە قىسىم ىقرسەتۋ ارقىلى بيلىك الداعى زاڭدى قۇرىلتايدىڭ وتكىزبەۋگە كۇش سالۋدا".

جەرگىلىكتى اتقارۋشى بيلىك تاراپىنان سۇراۋعا ۇشىراعان بىرنەشە بەلسەندىنىڭ اتى-ءجونىن اتاعان باستاماشىل توپ جەتەكشىسى «كونستيتۋتسيا بويىنشا ءار ادامنىڭ ساياسي پارتيا قۇرامىندا بولۋعا جانە قايسىسىنىڭ قاتارىندا ەكەنىن ايتۋعا جانە ايتپاۋعا قۇقىعى بار، پوليتسيا مەن اكىمشىلىك قىزمەتكەرلەرى كونستيتۋتسيانى بۇزىپ وتىر» دەپ ەسەپتەيدى. سونداي-اق ول الداعى ۋاقىتتى وزگە قۇقىق قورعاۋ ورگاندارىنا جەكە تۇلعالاردىڭ مالىمەتتەرىن تاراتتى دەپ ايىپتايتىن ادىلەت ءمينيسترىن سوتقا بەرمەك ويىن ءبولىستى.

پروكۋراتۋرا پارتيا قۇرۋدى كوزدەيتىن باستاماشىل توپتىڭ تالاپ ارىزىن قابىلدادى.

"The Qazaq Times"