15 jılday «jazıqsız» türmede otırğan Qazaqstan azamatın Qıtay qaytarmay otır

Qamauda negizsiz otırğan küyeuin qaytarudı talap etken Farida Qabılbek bügin astanadağı Qıtay elşiligine bardı.

Azattıqtıñ habarlauınşa, «tiri jesir» atanıp otırğan azamat üstine küyeui turalı mälimetter jazılğan plakat ilip, jalğız adamdıq piket ötkizgen.

Bwğan deyin Qıtaydan kelip, Qazaqstan azamattığın alğan äyel küyeui Rahımjan Zeynollanı bosatudı talap etip, Qıtaydıñ Almatıdağı konsuldığına da barğan. Biraq konsuldıq qızmetkerleri eşqanday reakciya bildirmegen. Onıñ aytuınşa, küyeui adam qwqıqtarı edäuir jaqsı qorğalğan elder «adam haqı taptalıp jatır» dep ayıptaytın aspan astı elinde 13 jıl türmede otırıp, artınan 1,5 jıl sayasi lager'ge qamalğan.

Sırtqı ister ministrligi 2003 jıldan beri Qazaqstan azamatı sanalatın Zeynollanıñ isine qatıstı Qıtay elşiligine resmi hat joldağan. Almatı oblısınıñ işki ister departamenti Köşi-qon policiyası basqarmasınıñ qwjatında «1963 jılı QHR tuılğan Zeynolla Rahımjan Qazaqstan Respublikası prezidentiniñ 2004 jılğı 12 naurızdağı №1302 jarlığımen Qazaqstan Respublikasınıñ azamatı bolıp sanaladı» dep rastalğan.

Vedomstvo habarlamasında «onı jazıqsız wstap, «tıñşı» degen ayıppen 2004 jılı 13 jılğa sottap, türmege qamadı. Odan soñ bir jarım jıl sayasi lager'de wstadı, al sodan keyin üyqamaqta otırğanına bir jıl, bir ay boldı», – delingen.

Bügingi akciyada Farida Qabılbektiñ qwjattarın Qıtay elşiligin küzetetin policiya qızmetkerleri tekserdi. Ol elşiliktiñ qwjat qabıldau bölimine kirdi.

Äyeliniñ sözi boyınşa, Qıtay organdarı Rahıjan Zeynollanı 2004 jılı Şıñjañğa özimen birge qıdırıp barğan kezde wstap, «tıñşılıqpen aynalısu» ayıbımen  on üş jılğa sottalğan.

– Qazaqstanda oqığısı kelgen jiırmağa juıq balanıñ qwjattarın jöndeuge, şekaradan ötuine kömektesti. Onıñ bar «qılmısı» – sol ğana, – deydi ol.

Soñğı kezderi Qıtaydağı qısımnan qaşıp kelip jatqan etnikalıq qazaqtar qatarı köbeygen.

"The Qazaq Times"