ترامپ ەردوعانمەن تاياۋ شىعىستاعى جاعدايدى تالقىلادى

اقش پرەزيدەنتى دونالد ترامپ تۇركيا باسشىسى رەجەپ تايىپ ەردوعانمەن ءسۇريا مەن ليۆياداعى جاعدايدى، سونداي-اق يرانداعى قاقتىعىستاردى تالقىلادى.

اق ءۇي وكىلى دجادد دير: «تاراپتار تەلەفون ارقىلى ديالوگ جۇرگىزىپ، ءسۇريا مەن ليۆياداعى قاۋىپسىزدىك جاعدايىن، يرانداعى نارازىلىقتاردى جانە يران اۋە كۇشتەرىنىڭ ۋكراينالىق ۇشاقتى زىمىرانمەن اتقانى جونىندە اڭگىمەلەستى»، – دەيدى.

ليۆياداعى جاعداي ءالى دە تۇراقسىز. 10 قاڭتاردا تۇركيانىڭ ۇلتتىق قورعانىس مينيسترلىگى رەسەيمەن بىرلەسىپ ءسۇريانىڭ سولتۇستىگىندەگى يدليبەدەگى قاقتىعىستاردى توقتاتۋعا ۋاعدالاسقان.

12 قاڭتاردا ليۆيادا رەسەي مەن تۇركيا پرەزيدەنتتەرى ۇسىنعان باستامانىڭ شەڭبەرىندە تريپوليدەگى ۇلتتىق كەلىسىم جانە فەلدمارشال حاليفا حافتار باسقاراتىن ليۆيا ۇلتتىق ارمياسى اراسىنداعى كوفليكتتى توقتاتۋ رەجيمى كۇشىنە ەندى. 13 قاڭتاردا ماسكەۋدە ەكى ەل وكىلدەرى رەسمي كەزدەسۋ وتكىزىپ، ليۆيادا بەيبىت جاعداي رەجيمىن ورناتۋ تۋرالى كەلىسىمگە قول قويدى. بىراق، فەلدمارشال حاليفا حافتار ەشقانداي كەلىسىمگە قول قويماستان ماسكەۋدەن كەتىپ قالعان.

14 قاڭتارعا قاراعان ءتۇنى حافتار ءتريپوليدىڭ وڭتۇستىگىندە قاقتىعىستاردىڭ قايتا جانداناتىت تۋرالى مالىمدەمە جاسادى. سول سەبەپتى تۇركيا مەن رەسەيدىڭ ليۆياداعى جاعدايدى تۇراقتاندىرۋعا باعىتتالعان قادامى ءساتسىز بوپ تۇر.

"The Qazaq Times"