Soñğı jeti jılda Qazaqstanda äue apatınan 70-ke tarta adam qaytıs bolğan

2012 jıldan beri elimizde eñ iri üş wşaq apatınan 64 adam köz jwmğan. 

Bügin, jeltoqsannıñ 27-si  tañerteñ sağat 7:22-de Bek Air wşağı Almatı äuejayınan bir şaqırım qaşıqtıqta Talğar audanına qarastı Güldala auılındağı iesiz eki qabattı üyge qwlağan. Soñğı mälimetterge qarağanda, 15 jolauşı qaza tauıp, 50-den astamı auruhanağa jetkizilgen. Degenmen älde de qaytıs bolğandardıñ sanı naqtı emes, aqparat közderinde ärtürli aytıluda. Marqwmdardıñ sanın key mekeme 15 dese, qaysıbiri 16, äkimdik ökili 12 dep körsetip otır.

2013 jılı 29 qañtar SCAT äue kompaniyasınıñ Kökşetau-Almatı bağıtında wşatın Bombardier CRJ-200 wşağı apatqa wşırap, saldarınan 21 adam - ​​ekipajdıñ bes müşesi jäne jolauşılar qaza taptı. Aua-rayınıñ qolaysızdığınan qona almay, ekinşi aynalımğa bwrılğan kezinde Almatı oblısı, Talğar audanı, Qızıltu auılı mañına qwlağan. Apattıñ sebebi aua-rayınıñ qolaysızdığı jäne ekipajdıñ qatelikteri dep bağalanğan bolatın. Keyin Almatı qalası Almalı audandıq sotınıñ sud'yası Nariman Begaliev wşaqtıñ apatqa wşırauına SCAT äue kompaniyasınıñ wşu böliminiñ bastığı Vyaçeslav Artemenkonı kinäli dep tanıp, 5 jılğa türme jazasın kesken. Sonımen qatar ol 2 jıl merzimge aviaciyalıq qızmetpen aynalısu qwqığınan ayırılğan bolatın. Challenger-200 wşağı apatqa wşırağanda qaza bolğandar tizimi:
Ekipaj müşeleri:
1. Evdokimov Vladimir Nikolaeviç – äue köliginiñ komandiri
2. Şarapov Aleksandr Vladimiroviç – pilot
3. Babayan Svyatoslav Arturoviç – stajer-pilot
4. Krivonosova Irina Nikolaevna – bortprovodnica
5. Aspandiyarova Dina – bortprovodnica

Jolauşılar:
1. Dyusenov Galımjan
2. Dyusenbaev Dyuseken
3. Kusainov Askar
4. Platkov Nikolay
5. Malgajdarov Kaysar
6. Nizamov Akram
7. Omarov Abiljan
8. Orazbaev Marat
9. Rahimbek Indira
10.Serikov Aleksandr
11. Şutikov Arsen
12.Eskendirov Askar
13.Javoronkov Ivan
14.Feyst Vladimir
15.Rubas Aleksandr
16.Bahıtjan R.M.

Däl osı oqiğadan bir jıl bwrın, naqtı aytqanda 2012 jıldıñ 25 jeltoqsanda WQK Şekara qızmetiniñ An-72 wşağı Şımkentten 20 şaqırım jerde apatqa wşırağan. Jauındı äri bwlttı küni bolğan qayğılı oqiğanıñ saldarınan borttağı şekara qızmeti direktorı, polkovnik Twrğanbek Stambekov, qasındağı oficerler tobı, şekara baqılau basqarmasınıñ äskeri qızmetkerleri, jalpı jiını 27 adam, onıñ işinde 7 ekipaj müşesi, barlığı qaza taptı. Bas prokuraturanıñ qorıtındısı boyınşa, apatqa ekipajdıñ äue dispetçeriniñ nwsqauın orındamauı, jerge jaqın wşuı jäne habar baylanıs jüyesin üzui sebep bolğan.

"The Qazaq Times"