سوڭعى جەتى جىلدا قازاقستاندا اۋە اپاتىنان 70-كە تارتا ادام قايتىس بولعان

2012 جىلدان بەرى ەلىمىزدە ەڭ ءىرى ءۇش ۇشاق اپاتىنان 64 ادام كوز جۇمعان. 

بۇگىن، جەلتوقساننىڭ 27-ءسى  تاڭەرتەڭ ساعات 7:22-دە Bek Air ۇشاعى الماتى اۋەجايىنان ءبىر شاقىرىم قاشىقتىقتا تالعار اۋدانىنا قاراستى گۇلدالا اۋىلىنداعى يەسىز ەكى قاباتتى ۇيگە قۇلاعان. سوڭعى مالىمەتتەرگە قاراعاندا، 15 جولاۋشى قازا تاۋىپ، 50-دەن استامى اۋرۋحاناعا جەتكىزىلگەن. دەگەنمەن الدە دە قايتىس بولعانداردىڭ سانى ناقتى ەمەس، اقپارات كوزدەرىندە ءارتۇرلى ايتىلۋدا. مارقۇمداردىڭ سانىن كەي مەكەمە 15 دەسە، قايسىبىرى 16, اكىمدىك وكىلى 12 دەپ كورسەتىپ وتىر.

2013 جىلى 29 قاڭتار SCAT اۋە كومپانياسىنىڭ كوكشەتاۋ-الماتى باعىتىندا ۇشاتىن Bombardier CRJ-200 ۇشاعى اپاتقا ۇشىراپ، سالدارىنان 21 ادام - ​​ەكيپاجدىڭ بەس مۇشەسى جانە جولاۋشىلار قازا تاپتى. اۋا-رايىنىڭ قولايسىزدىعىنان قونا الماي، ەكىنشى اينالىمعا بۇرىلعان كەزىندە الماتى وبلىسى، تالعار اۋدانى، قىزىلتۋ اۋىلى ماڭىنا قۇلاعان. اپاتتىڭ سەبەبى اۋا-رايىنىڭ قولايسىزدىعى جانە ەكيپاجدىڭ قاتەلىكتەرى دەپ باعالانعان بولاتىن. كەيىن الماتى قالاسى المالى اۋداندىق سوتىنىڭ سۋدياسى ناريمان بەگاليەۆ ۇشاقتىڭ اپاتقا ۇشىراۋىنا SCAT اۋە كومپانياسىنىڭ ۇشۋ ءبولىمىنىڭ باستىعى ۆياچەسلاۆ ارتيومەنكونى كىنالى دەپ تانىپ، 5 جىلعا تۇرمە جازاسىن كەسكەن. سونىمەن قاتار ول 2 جىل مەرزىمگە اۆياتسيالىق قىزمەتپەن اينالىسۋ قۇقىعىنان ايىرىلعان بولاتىن. Challenger-200 ۇشاعى اپاتقا ۇشىراعاندا قازا بولعاندار ءتىزىمى:
ەكيپاج مۇشەلەرى:
1. ەۆدوكيموۆ ۆلاديمير نيكولاەۆيچ – اۋە كولىگىنىڭ كومانديرى
2. شاراپوۆ الەكساندر ۆلاديميروۆيچ – پيلوت
3. بابايان سۆياتوسلاۆ ارتۋروۆيچ – ستاجەر-پيلوت
4. كريۆونوسوۆا يرينا نيكولاەۆنا – بورتپروۆودنيتسا
5. اسپاندياروۆا دينا – بورتپروۆودنيتسا

جولاۋشىلار:
1. ديۋسەنوۆ گالىمجان
2. ديۋسەنباەۆ ديۋسەكەن
3. كۋساينوۆ اسكار
4. پلاتكوۆ نيكولاي
5. مالگاجداروۆ كايسار
6. نيزاموۆ اكرام
7. وماروۆ ابيلجان
8. ورازباەۆ مارات
9. راحيمبەك ينديرا
10.سەريكوۆ الەكساندر
11. شۋتيكوۆ ارسەن
12.ەسكەنديروۆ اسكار
13.جاۆورونكوۆ يۆان
14.فەيست ۆلاديمير
15.رۋباس الەكساندر
16.باحىتجان ر.م.

ءدال وسى وقيعادان ءبىر جىل بۇرىن، ناقتى ايتقاندا 2012 جىلدىڭ 25 جەلتوقساندا ۇقك شەكارا قىزمەتىنىڭ ان-72 ۇشاعى شىمكەنتتەن 20 شاقىرىم جەردە اپاتقا ۇشىراعان. جاۋىندى ءارى بۇلتتى كۇنى بولعان قايعىلى وقيعانىڭ سالدارىنان بورتتاعى شەكارا قىزمەتى ديرەكتورى، پولكوۆنيك تۇرعانبەك ستامبەكوۆ، قاسىنداعى وفيتسەرلەر توبى، شەكارا باقىلاۋ باسقارماسىنىڭ اسكەري قىزمەتكەرلەرى، جالپى جيىنى 27 ادام، ونىڭ ىشىندە 7 ەكيپاج مۇشەسى، بارلىعى قازا تاپتى. باس پروكۋراتۋرانىڭ قورىتىندىسى بويىنشا، اپاتقا ەكيپاجدىڭ اۋە ديسپەتچەرىنىڭ نۇسقاۋىن ورىنداماۋى، جەرگە جاقىن ۇشۋى جانە حابار بايلانىس جۇيەسىن ءۇزۋى سەبەپ بولعان.

"The Qazaq Times"