Qazaqstannıñ demokratiyalıq partiyasın qwrudı qalaytın wyımdastıru komiteti ministrlikter üyiniñ aldında. 26 jeltoqsan 2019 jıl. Elorda. Foto: J.Mamaydıñ facebopk jelisinen

Bügin, jeltoqsannıñ 26-sı elordada Qazaqstannıñ demokratiyalıq partiyasın qwrğısı keletin bastamaşıl top mıñnan astam adamnıñ qolı qoyılğan qwjattı ädilet ministrligine tapsırıp, qwrıltay s'ezin ötkizu üşin bastamaşıl toptı tirkeudi swradı.

Vedomstvo ökili Talğat Äbubäkirov qwjattı qabıldap, tirkelgeni turalı tübirtekti bügin keşke deyin beruge uäde bergen.

Wyımdastıru komitetiniñ ökili Inga Imanbay ministrlik toptı tirkemegen jağdayda mwnı «sayasi sebeppen» baylanıstıratının ayttı.

– Bizge s'ezd ötkizuge mümkindik beredi dep ümittenemiz. Dayındağan qwjattarımız ben jaqtastarımızğa senemiz. Eger ädilet ministrligi qanday da bir sebeppen tirkeuden bas tartsa, onda onı sayasi sebeppen bas tarttı dep tüsinemiz jäne äri qaray äreket jasaymız, – dedi ol.

Belgili jurnalist, belsendi Janbolat Mamay qazannıñ 15-si Almatıda Qazaqstannıñ demokratiyalıq partiyasın qwratının mälimdegen bolatın. Ol «partiyanıñ maqsatı saylauğa tüsu emes, eldegi bilik jüyesine özgeris engizu, halıqtıñ ünin bilikke jetkizu» ekenin aytqan. Bwğan deyin wyımdastıru komiteti eldiñ är aymağınan ökildigin qwrıp, Täuelsizdik küninen bwrın Jeltoqsan jäne Jañaözen qwrbandarın eske alu jiının ötkizgen edi.

"The Qazaq Times"