جانبولات ماماي باستاعان قدپ-نىڭ ۇيىمداستىرۋ كوميتەتى ادىلەت مينيسترلىگىنە قۇجات وتكىزدى

بۇگىن، جەلتوقساننىڭ 26-سى ەلوردادا قازاقستاننىڭ دەموكراتيالىق پارتياسىن قۇرعىسى كەلەتىن باستاماشىل توپ مىڭنان استام ادامنىڭ قولى قويىلعان قۇجاتتى ادىلەت مينيسترلىگىنە تاپسىرىپ، قۇرىلتاي سەزىن وتكىزۋ ءۇشىن باستاماشىل توپتى تىركەۋدى سۇرادى.

ۆەدومستۆو وكىلى تالعات ابۋباكىروۆ قۇجاتتى قابىلداپ، تىركەلگەنى تۋرالى تۇبىرتەكتى بۇگىن كەشكە دەيىن بەرۋگە ۋادە بەرگەن.

ۇيىمداستىرۋ كوميتەتىنىڭ وكىلى ينگا يمانباي مينيسترلىك توپتى تىركەمەگەن جاعدايدا مۇنى «ساياسي سەبەپپەن» بايلانىستىراتىنىن ايتتى.

– بىزگە سەزد وتكىزۋگە مۇمكىندىك بەرەدى دەپ ۇمىتتەنەمىز. دايىنداعان قۇجاتتارىمىز بەن جاقتاستارىمىزعا سەنەمىز. ەگەر ادىلەت مينيسترلىگى قانداي دا ءبىر سەبەپپەن تىركەۋدەن باس تارتسا، وندا ونى ساياسي سەبەپپەن باس تارتتى دەپ تۇسىنەمىز جانە ءارى قاراي ارەكەت جاسايمىز، – دەدى ول.

بەلگىلى جۋرناليست، بەلسەندى جانبولات ماماي قازاننىڭ 15-ءسى الماتىدا قازاقستاننىڭ دەموكراتيالىق پارتياسىن قۇراتىنىن مالىمدەگەن بولاتىن. ول «پارتيانىڭ ماقساتى سايلاۋعا ءتۇسۋ ەمەس، ەلدەگى بيلىك جۇيەسىنە وزگەرىس ەنگىزۋ، حالىقتىڭ ءۇنىن بيلىككە جەتكىزۋ» ەكەنىن ايتقان. بۇعان دەيىن ۇيىمداستىرۋ كوميتەتى ەلدىڭ ءار ايماعىنان وكىلدىگىن قۇرىپ، تاۋەلسىزدىك كۇنىنەن بۇرىن جەلتوقسان جانە جاڭاوزەن قۇرباندارىن ەسكە الۋ جيىنىن وتكىزگەن ەدى.

"The Qazaq Times"