Qazaqstannıñ bas prokurorı Ğizat Nwrdäuletov prezident Toqaevtıñ qabıldauında. Foto: Aqorda

Memleket basşısı bas prokuror Ğizat Nwrdäuletovti qabıldadı. Prezident pen bas prokuror azamattardıñ konstituciyalıq qwqığın qorğau, qılmısqa qarsı küres pen qılmıstıq proceske cifr tehnologiyasın engizu jäne basqa da mäselelerdi talqıladı.

Aqordanıñ baspasöz qızmeti taratqan habarğa qarağanda, kezdesu barısında bas prokuror qadağalauşı organnıñ biılğı jwmısınıñ qorıtındısı men elimizdegi zañdılıq pen qwqıqtıq tärtip jayında bayandadı.

Ğizat Nwrdäuletovtiñ aytuınşa, Qazaqstanda qılmıs deñgeyi tömendegen. Bas prokuror prezidentke azamattardıñ konstituciyalıq qwqıqtarın qorğau jäne qılmısqa qarsı kürestiñ özekti mäseleleri men qılmıstıq proceske cifr tehnologiyasın engizu turalı da mälimet berdi.

Qasım-Jomart Toqaev qoğam ömirindegi barlıq sala boyınşa zañ üstemdigin qamtamasız ete beru qajet ekenin aytıp, birneşe naqtı tapsırma berdi.

"The Qazaq Times"