Қазақстанның бас прокуроры Ғизат Нұрдәулетов президент Тоқаевтың қабылдауында. Фото: Ақорда

Мемлекет басшысы бас прокурор Ғизат Нұрдәулетовті қабылдады. Президент пен бас прокурор азаматтардың конституциялық құқығын қорғау, қылмысқа қарсы күрес пен қылмыстық процеске цифр технологиясын енгізу және басқа да мәселелерді талқылады.

Ақорданың баспасөз қызметі таратқан хабарға қарағанда, кездесу барысында бас прокурор қадағалаушы органның биылғы жұмысының қорытындысы мен еліміздегі заңдылық пен құқықтық тәртіп жайында баяндады.

Ғизат Нұрдәулетовтің айтуынша, Қазақстанда қылмыс деңгейі төмендеген. Бас прокурор президентке азаматтардың конституциялық құқықтарын қорғау және қылмысқа қарсы күрестің өзекті мәселелері мен қылмыстық процеске цифр технологиясын енгізу туралы да мәлімет берді.

Қасым-Жомарт Тоқаев қоғам өміріндегі барлық сала бойынша заң үстемдігін қамтамасыз ете беру қажет екенін айтып, бірнеше нақты тапсырма берді.

"The Qazaq Times"