Foto: Jóvenes El País de los Jóvenes

Qazaqstannıñ Bas prokuraturası ğalamtordağı saylau aldı ügit-nasihat jwmıstarın qadağalau keregin aytıp, saylau turalı zañğa özgerister men tolıqtırular engizudi wsındı.

Bügin Qazaqstan Respublikasınıñ Ädilet ministrliginde ötken kezekti otırısta QR bas prokurorınıñ orınbasarı Ğizat Nwrdäuletov: «Biz saylau aldı ügit-nasihat jürgizu kezinde ğalamtorda jariyalanatın foto, video, onlayn dauıs beru, aldın ala saylauşılar arasında saualnama jürgizu sındı jwmıstardı zañ jüzinde qadağalaudı wsınamız» - dedi.

Ğizat Nwrdäuletovtıñ sözinşe, qazirgi saylau turalı zañ tek telearna men gazet, jurnaldardağı ügit-nasihat jwmıstarın qadağalaydı. Al saylau aldı ügit-nasihat kezindegi köptegen zañ bwzuşılıqtar ğalamtor betterinde bolıp jatır.

Osı jerde ayta ketetin bir jayt qazirgi tañda Qazaqstandağı sayasatkerlerdiñ işinde öziniñ sayasi közqarasın ğalamtor arqılı belsendi bildirip jürgenderdiñ biri, quğındağı oppoziciyalıq sayasatker Mwhtar Äbilazov. Onıñ Facebook äleumettik jelisindegi tobına tirkeluşiler sanı 30 mıñğa, Instagram jelisindegi oqırmandar sanı 133 mıñğa jetken.

“The Qazaq Times”