Şeruge şıqqandardı Belarus qarulı küşteri qamauğa alıp jatır. Foto: AFP

Qwqıq qorğauşılar Belarussiyadağı qarsılıq şeruinde jüzdegen adam twtqındalğanın mälimdedi. Şeruge qatısuşılardı qamau rwqsat etilmegen köşe jürisinen keyin bastalğan. Bwl turalı Bi-Bi-Sidiñ qırğız qızmeti habarladı.

Bwğan deyin "Interfaks" agenttigi qarsılıq erleuilge şıqqandar sanı 500 adamday degen edi. Bi-Bi-Si tilşisi şeruşilerdi 1,5 mıñday dep otır.

Belarus' tärtip saqşıları şeruge şıqandardı wstap jatır. Foto: REUTERS

Qamalğandardıñ arasında Reseylik jurnalister de bar. Jekelegen qwqıq qorğau wyımdarı policiyanıñ 700-dey adamdı wstağanın aytqan.

Bi-Bi-Si habarşısı Tat'yana Mel'niçuk Sovet rayonındağı işki ister bölimine "Jedel järdem" qızmeti şaqırılğanın habarladı.

Şeruge qatısqandardı küştep kölikke kirgizip jatır. Foto: EPA

Şeruge şığuşılardı policiyanıñ arnayı küşteri tws-twstan tosıp twrıp olardı wstay bastağan.

Qarulı küşter şeru ötipjatqan jerge adamdardı jibermeuge tırısıp jatır. Foto: AFP

Belarussiyalıq belsendiler "jwmıssızdar salığı" boyınşa prezidenttiñ jarlığın alıp tastauın talap etken qarsılıq äreketteriniñ jalğasa beretinin bilderdi.

Qarsılıq körsetkenderdi köştep äketip jatır. Foto: REUTERS

Belsendilerdiñ bwl şerui 25 naurızğa belgilengen Belarussiya memlekettik merekesiniñ 99 jıldığına twspa-tws kelip otır.

Minskide qauipsizdik şaraları küşeytilip, şeru bolıp jatqan jaqqa bara jatqan jürginşiler wstalıp, joldardı jauıp tastağan. Qanşa kisi qamalğanı turalı resmi mälimdeme jasalğan joq.

“The Qazaq Times”