Küni keşe Birikken Koroldikte merziminen bwrın parlamenttik saylau ötip, exit poll bağalauımen basqaruşı bilikke qarastı Konservatorlıq partiya jeñiske jetti. Endi prem'er-ministr Boris Djonson wzaq uaqıt boyı şeşimin tappağan Brexit mäselesine nükte qoymaq.

The Guardian basılımınıñ mälimetinşe, Britaniya 31 qañtarda Euroodaq qwramınan ketuge dayın. Saylaudan keyin Boris Djonson: «Ükimet quatı küşti jaña mandatqa ie boldı. Endi breksitti erkin türde jüzege asıra alatın bolamız. Eldi biriktirip, britaniyalıq halıqtıñ müddesi üşin jwmıs isteymiz. Eñ birinşi kezekte densaulıq saqtau jüyesin damıtamız», — dep bilek sıbanıp otır.

Al ekinşi orınğa twraqtağan Leyborister partiyasınıñ basşısı Djeremi Korbin: «Aldağı uaqıtta ötetin jalpı saylau kompaniyalarında partiyağa basşılıq etpeytindigimdi aşıp aytqım keledi. Bügingi nätijelerdi wğınuğa jäne odan qorıtındı şığaruğa partiyalastarımmen birge äreket etetin bolamın», — deydi.

Bwl twsta tağı bir mäseleni ayta ketu kerek. Soltüstik Irlandiyanıñ EO-ğa qarastı birıñğay kedendik aymağında qaluı Djonson wsınğan Brexit boyınşa jaña josparğa tolığımen qayşı keledi. Britandıq prem'erdiñ wsınısı «bekstop» rejimine balama sanaladı. YAğni atalğan jospar EO men bwrınğı prem'er-ministr Tereza Mey Ükimeti arasında qol jetkizilgen kelisimniñ böligi sanaladı. Birkken Korol'diktiñ prem'eri Boris Djonsonnıñ wsınısına säykes, Soltüstik Irlandiya ötpeli kezeñ ötkennen keyin Keden Odağı qwramınan birjolata şığadı jäne osı aumaqtağı tauarlardıñ barlıq sanatına jañadan kedendik rejim engiziletin boladı.

Wlıbritaniya EO-dan biıl 29 naurızda, yağni qauımdastıqtan şığu turalı jazbaşa habarlama berilgennen keyin eki jıl ötken soñ ketui kerek edi. Alayda britan Parlamenti Qauımdar palatasınıñ deputattarı Bryussel' men bwrınğı prem'er-ministr Tereza Mey ükimeti arasında qol jetkizilgen Brexit şarttarı turalı kelisimniñ jobasın üş ret keri qaytarğan. Nätijesinde Europalıq odaq Brexit-ti aldımen säuir nemese mamırğa, sodan keyin 31 qazanğa bekituge kelisti. Bwl qadam da sätsiz ayaqtalıp, memlekettiñ odaqtan şığatın merzimi 31 qañtarğa şegerildi.

"The Qazaq Times"