Aşhabad policiyası köşede seruendegen qız ben jigitti wstay bastadı

Türkimenstan astanasındağı köşelerde seruendegen qız ben jigittiñ qwjattarın tekserip, üylenbegenderin policiya bölimine alıp ketedi, dep habarladı Aşhabadtağı Azattıq radiosınıñ tilşisi.

Astanalıq joğarğı oqu orındarınıñ birinde oqitın Maqsat esimdi student bir aydan beri policiyanıñ soñınan qalmay qoyğanın ayttı.

"Studentter ädette oqudan nemese köpşilik şaralardan jataqhanağa birge qaytadı, birge spektakl'ge, koncertke baradı. Sayabaqta birge qıdıradı", - deydi ol.

Studenttiñ aytuınşa, soñğı uaqıtta policiya qızmetkerleri köşede ketip bara jatqan nemese sayabaqta birge otırğan qız ben jigittiñ qwjattarın tekseruin jiiletken, olardı tergep, tağı da birge wstalğan jağdayda oqudan şığaratının eskertetin bolğan.

Aşhabad twrğındarı policiya qızmetkerleriniñ bwl äreketin tüsinbeytindikterin mälimdedi. Qwqıqqorğau organdarı da bwl taqırıpqa qatıstı Azattıq radiosına tüsinikteme bermedi.

“The Qazaq Times”