Körneki suret. dw.com

Reseyge qatıstı Euroodaqqa müşe elderdiñ wstanımı birdey emes. Bwl turalı EO-nıñ Sırtqı ister jäne qauipsizdik sayasatı jönindegi jaña Joğarğı ökili Jozep Borrel' El Pais gazetindegi swhbatında mälimdedi.

Euroodaq diplomatiyasınıñ basşısı qoğamdastıqtıñ Reseyge qatıstı közqarasına toqtalıp ötip: «Bwl öte daulı mäsele. Keybir elder Reseymen qarım-qatınastı twraqtandırğısı kelmeydi, al basqaları kerisinşe. Osı rette Reseyge salınğan sankciyalar küşin joymatnın da atap ötken jön», – dedi.

Biıl 20 mausımda Euroodaqtıñ Reseyge engizgen sankciyaları qayta qalpına keltirilgen bolatın. 2014 jılı Reseyge qarsı sankciyalar engizilgennen keyin Mäskeude europalıq elderdiñ önimderine importtıq şekteuler qoyılğan.

Bwdan bölek, Europalıq odaq Kerş bwğazında orın alğan jağdayğa baylanıstı Reseyge qarsı sankciya engizudi qarastırğan bolatın. Aqpanda odaq qwramındağı elder sankciyalıq şara ayasında jaña tizimder jasadı. EO-nıñ uaqıtşa törağa qızmetin atqaruşı, Austriya sırtqı ister ministri Karin Knaysl' jeltoqsanda ötetin sammitte odaq elderiniñ basşıları Azovta Ukrainanıñ üş äskeri kemesin ekipajımen qosa basıp alğanı üşin Reseyge salınğan sankciyalardı qatañdatu mäselesin qarastıratının mälimdegen. Bwl wsınısqa Estoniya, Pol'şa qoldau bildirse, Germaniya men Franciya qarsı şıqtı. Biraq, EO basşılığı osı uaqıtqa deyin orın alğan jayttardan keyin odaq qwramındağı elder Mäskeuge qarsı salınatın sankciyalıq rejimdi bir auızdan qoldauı tiis dep mälimdegen.

"The Qazaq Times"