Batıs pen Resey qarım-qatınasınıñ qazirgi jağdayına baylanıstı Europa Odağı reseylik energetikağa täueldiligin qısqartudıñ barlıq mümkindikterin qarastıruda. Soñğı şeşimge baylanıstı Europa Komissiyası gaz twtınudı 15 payızğa deyin qısqartu turalı jospardı qabıldadı.

Çehiya kezekti törağalıq etuşi el retinde EO Komissiyasınıñ energiya qoldanudı ünemdeu boyınşa şeşimin bekitti. Joba odaqqa müşe elderdiñ gaz qoldanu mölşerin 15 payızğa deyin qısqartudı közdeydi. Bwl Europanıñ Resey gazın twtınu mölşerin aytarlıqtay tömendetui mümkin.

Qazirgi Resey men Batıs qarım-qatınasına baylanıstı tabiği gaz Mäskeudiñ salmaqtı sayasi qarularınıñ birine aynaldı. Bir ay bwrın reseylik Gazprom kompaniyası tehnikalıq aqaularğa baylanıstı Europağa tabiği gaz tasımaldauşı «Soltüstik ağım» gaz qwbırında jöneltilip jatqan gazdıñ 60 payızın qısqartıp tastağan edi.

Keşe ğana Kreml'diñ baspasöz ökili Peskov bwnıñ bastı sebebi tehnikalıq aqaular ekenin, sayasi şeşim emes ekenin qaytaladı jäne tehnikalıq aqaularğa Batıstıñ sankciyaları sebep boldı dep körsetti.

Reseylik keybir sarapşılar qıs ayları jaqındağanda Resey men Europa qarım-qatınası Mäskeudiñ basımdığına qaray oyısadı, sebebi Europa Reseydiñ tabiği gazına degen täueldiligin qıs aylarında köbirek sezinetinin alğa tartadı. Europa Odağı da däl osı kezdegi geosayasi oyındardağı öz poziciyasın qorğau üşin kezekti şaranı qabıldap otırğanı belgili. Qalay bolmasın, qısqa qaray geosayasi tartıstar tipti de qıza tüsetini anıq bayqaladı.

The Qazaq Times