ەۋرووداق رەسەيگە قاتىستى ۇستانىمىن وزگەرتپەيدى

رەسەيگە قاتىستى ەۋرووداققا مۇشە ەلدەردىڭ ۇستانىمى بىردەي ەمەس. بۇل تۋرالى ەو-نىڭ سىرتقى ىستەر جانە قاۋىپسىزدىك ساياساتى جونىندەگى جاڭا جوعارعى وكىلى جوزەپ بوررەل El Pais گازەتىندەگى سۇحباتىندا مالىمدەدى.

ەۋرووداق ديپلوماتياسىنىڭ باسشىسى قوعامداستىقتىڭ رەسەيگە قاتىستى كوزقاراسىنا توقتالىپ ءوتىپ: «بۇل وتە داۋلى ماسەلە. كەيبىر ەلدەر رەسەيمەن قارىم-قاتىناستى تۇراقتاندىرعىسى كەلمەيدى، ال باسقالارى كەرىسىنشە. وسى رەتتە رەسەيگە سالىنعان سانكتسيالار كۇشىن جويماتنىن دا اتاپ وتكەن ءجون»، – دەدى.

بيىل 20 ماۋسىمدا ەۋرووداقتىڭ رەسەيگە ەنگىزگەن سانكتسيالارى قايتا قالپىنا كەلتىرىلگەن بولاتىن. 2014 جىلى رەسەيگە قارسى سانكتسيالار ەنگىزىلگەننەن كەيىن ماسكەۋدە ەۋروپالىق ەلدەردىڭ ونىمدەرىنە يمپورتتىق شەكتەۋلەر قويىلعان.

بۇدان بولەك، ەۋروپالىق وداق كەرش بۇعازىندا ورىن العان جاعدايعا بايلانىستى رەسەيگە قارسى سانكتسيا ەنگىزۋدى قاراستىرعان بولاتىن. اقپاندا وداق قۇرامىنداعى ەلدەر سانكتسيالىق شارا اياسىندا جاڭا تىزىمدەر جاسادى. ەو-نىڭ ۋاقىتشا توراعا قىزمەتىن اتقارۋشى، اۋستريا سىرتقى ىستەر ءمينيسترى كارين كنايسل جەلتوقساندا وتەتىن سامميتتە وداق ەلدەرىنىڭ باسشىلارى ازوۆتا ۋكراينانىڭ ءۇش اسكەري كەمەسىن ەكيپاجىمەن قوسا باسىپ العانى ءۇشىن رەسەيگە سالىنعان سانكتسيالاردى قاتاڭداتۋ ماسەلەسىن قاراستىراتىنىن مالىمدەگەن. بۇل ۇسىنىسقا ەستونيا، پولشا قولداۋ بىلدىرسە، گەرمانيا مەن فرانتسيا قارسى شىقتى. بىراق، ەو باسشىلىعى وسى ۋاقىتقا دەيىن ورىن العان جايتتاردان كەيىن وداق قۇرامىنداعى ەلدەر ماسكەۋگە قارسى سالىناتىن سانكتسيالىق رەجيمدى ءبىر اۋىزدان قولداۋى ءتيىس دەپ مالىمدەگەن.

"The Qazaq Times"