Almatıda «Almaty Invest» halıqaralıq investiciyalıq forumı bastaldı. Biıl forumğa 20 memleketten 700-ge juıq delegat şaqırılğan.

Qazaqstannıñ oñtüstik astanasınıñ investiciyalıq tartımdılığın arttıru taqırıbın ortağa salğan şarada Almatıdağı startaptar men innovaciyalardıñ bolaşaq ösu sektorları jöninde pikirtalastar ötti. Almatınıñ investiciyalıq äleueti jäne ıntımaqtastıq üşin jaña mümkindikter, sandıq ekonomikanı damıtu jäne biznesti qoldaudıñ jaña nısandarın engizu boyınşa el aldına qoyılğan mindetter ayasında innovaciyalar men käsipkerlikti damıtu söz boldı.

Forumda 31 memorandumğa, $2,3 milliard bolatın biznes-kelisimşartqa qol qoyu josparlanğan. Şara ayasında qala äkimi Baqıtjan Sağıntaev Japan System Planning Co prezidenti Kumano Kasuyukimen, Mitsui&Co.Moscow direktorı Megruo Hirosi jäne McKinsey jahandıq institutınıñ basşısı Djonatan Votcelmen ekijaqtı kezdesu ötkizdi. Sağıntaev mälimdemesinde forum mañızına toqtalıp, Almatı San-Francisko qalasınıñ ülgisinde damıp kele jatqandığın atap ötti. Sonımen qatar, forum sessiyaları ayasında Almatınıñ jaña halıqaralıq turizm retinde qalıptasu joldarı talqılandı.

Almaty Invest Forum 2019 qonaqtarınıñ qatarında Türkiyanıñ bwrınğı vice-prem'eri Mehmet Şimşek, McKinsey jahandıq institutınıñ basşısı Djonatan Votcel, TİE Globalo qauımdastığınıñ prezidenti Şarma Mahavir pratar, Ortalıq jäne Şığıs Europa, Ortalıq aziya elderi boyınşa Nokia vice-prezidenti Mikko Lavanti, Katar Sauda-önerkäsip palatasınıñ vice-prezidenti Mohammad Bin Tauar Al'-Kavari jäne otandıq kompaniyalardıñ top-menedjerleri bar.

Forum wyımdastıruşıları: «Biznesti damıtudı ıntalandıru, Almatığa şeteldik investorlardı tartu jäne jaña jwmıs orındarın aşu forumnıñ bastı maqsatı sanaladı. Almatı şetelden kelgen investorlar üşin eñ tartımdı öñirlerdiñ biri bolğandıqtan, qalanıñ sandıq jağınan damuı zor mañızğa ie. Almayu Invest Forum – qala käsipkerleri men äleuetti investorlar arasında dialog ornatuğa, qızıqtıratın saualdar men alğa qoyılğan mindetterdi şeşu joldarın talqılauğa mümkindik beretin alañ», – dep atap ötti.

"The Qazaq Times"