Türkiya reseylik S-400 zenittik ımırandarın sınaqtan ötkizbek

Türkiya qarulı küşteri reseylik S-400 zenittik zımıran jüyeleriniñ radiolokaciyalıq jüyelerin sınaudı bastamaq. Bwl turalı CNN Turk telearnası habarladı.

Telearna mälimetteri boyınşa, test sınaqtarı aptanıñ birinşi küni bastaladı jäne Ankarağa jaqın jerde ötkiziledi. Ol üşin auağa är türli äue kemeleri, sonıñ işinde F-16 joyğıştar köteriledi. Türik mamandarı ZRS men wşaqtardıñ arasında baylanıs ornatuın teksermek. Arnayı sınaq üşin Myurted aviabazası iske qosılğan.

2017 jıldıñ qırküyeginde Resey Türkiyamen qwnı $2,5 mlrd bolatın S-400 zenittik zımıran jüyelerine baylanıstı kelisimşartqa qol qoydı. Jospar boyınşa zımırandardıñ birinşi böligi şildede jetkizildi.

AQŞ pen NATO Türkiyanıñ reseylik zımırandardı satıp aluına tübegeyli qarsı. Uaşington «Resey qaruın Türkiya aumağına ornalastıru NATO standarttarına qayşı keledi» dep esepteydi. Mwnıñ aldında Erdoğan öz şeşiminen bas tartpaytının mälimdegen.
13 qaraşada Donal'd Tramp pen Rejep Tayıp Erdoğan Uaşingtonda resmi kezdesu wyımdastırdı. Tramp äkimşiligi Erdoğanğa reseylik S-400 zımırandarın paydalanbaudı talap etip, onıñ ornına amerikalıq F-35 baylanıs jäne qorğau qwraldarın wsınğan. Eger Ankara Uaşingtonnıñ wsınısına kelisse, F-35 köp maqsattı joyğıştardı qwru bağdarlamasına qayta oralıp, restrikciyadan qwtıla aladı.

"The Qazaq Times"