سۇرياداعى جاعدايدى رەتتەۋ جونىندەگى حالىقارالىق كەزدەسۋ 10-11 جەلتوقساندا قازاقستان استاناسىندا وتەدى. بۇل تۋرالى قر سىرتقى ىستەر ءمينيسترى مۇحتار تىلەۋبەردى ءمالىم ەتتى.
جينالىستىڭ كۇن ءتارتىبى بويىنشا تاراپتار ەڭ اۋەلى ءسۇريادا قاقتىعىسسىز ايماقتار قۇرۋ، سونداي-اق سول ايماقتاردىڭ شەكاراسى مەن كارتاسى جايىنداعى كەلىسىمدى قامتاماسىز ەتۋ، باقىلاۋ مەحانيزمىنىڭ مىندەتتەرىن بەلگىلەيتىن قۇجاتتار مەن كوورديناتسيا ورتالىعى رەگلامەنتىن دايىنداۋ سياقتى ماڭىزدى جۇمىستار جالعاسپاق.
2011 جىلى ءسۇريادا قارۋلى قاقتىعىس باستالعالى بەرى استانادا ءسۇريا ماسەلەسىن رەتتەۋ جونىندەگى كەلىسسوز جەتى مارتە ۇيىمداستىرىلدى. استانا پروتسەسىنە قولداۋ كورسەتۋشى ەلدەردىڭ ارقاسىندا، سۇرياداعى قاقتىعىس ۋاقىتشا توقتاتىلدى. رەسەي، يران جانە تۇركيا اتالعان ماسەلە جونىندەگى كەلىسىمشارتتى ورىنداۋشى كەپىلگەر-ەلدەر سانالادى.
جوعارى دەڭگەيدەگى ون ءۇشىنشى حالىقارالىق كەزدەسۋ 1-2 تامىزدا قازاقستان استاناسىندا وتكەن. كەلىسسوزدەرگە كەپىلگەر-ەلدەردىڭ (رەسەي، يران، تۇركيا), ءسۇريا ۇكىمەتىنىڭ دەلەگاتسيالارى قاتىستى. باقىلاۋشىلار رەتىندە بۇۇ، يوردانيا، سونداي-اق ليۆان مەن يراكتىڭ جوعارى وكىلدەرى شاقىرىلدى.
بۇدان بۇرىن ءسۇريا بەيبىتشىلىك كەلىسسوزىنىڭ ءتورتىنشى، بەسىنشى كەزەڭدەرى دە استانادا وتكەن بولاتىن. كەزدەسۋدە قازاقستان ءسۇريا ماسەلەسىنىڭ اسكەري جولمەن شەشىلمەيتىنىن، بۇنى تەك كەلىسىمگە كەلۋ ارقىلى شەشۋگە بولاتىنىن جاريا ەتىپ، الەمدى بىرلىككە شاقىرعان ەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن