الماتى قالاسىنىڭ قازىرگى اكىمى باقىتجان ساعىنتاەۆ. فوتو: اكىم ۆيدەوۇندەۋىنەن

الماتى اكىمى باقىتجان ساعىنتاەۆ قالانىڭ 2050 جىلعا دەيىنگى دامۋ ستراتەگياسىن قوعام تالقىسىنا ۇسىندى.

«تەك الماتىلىقتاردى عانا ەمەس، ءبىزدىڭ سۇيىكتى قالامىزدىڭ تاعدىرىنا نەمقۇرايلى قاراي المايتىن بارلىق ادامداردى شاھاردىڭ باستى قۇجاتى بولاتىن جوباعا ءوزىنىڭ سىندارلى پىكىرىن ءبىلدىرۋىن سۇرايمىن»، – دەپ جازدى ساعىنتاەۆ Instagram پاراقشاسىندا.

الماتى اكىمى باقىتجان ساعىنتاەۆ قالانىڭ 2050 جىلعا دەيىنگى دامۋ ستراتەگياسىنىڭ جوباسىن كوپشىلىكتىڭ تالقىلاۋىنا ۇسىندى. قازاقستاننىڭ ەكس-پرەزيدەنتى نازارباەۆتىڭ «قازاقستان – 2050» ستراتەگياسىنىڭ «اسەرىنەن» تۋعان «الماتى – 2050» جوباسىنان بۇرىن «الماتى – 2020» بەسجىلدىق دامۋ باعدارلاماسى قابىلدانعان بولاتىن.

الماتى اكىمدىگى ءباسپاسوز قىزمەتىنىڭ حابارلاۋىنشا, «وزدەرىنىڭ ۇسىنىستارى مەن پىكىرلەرىن تەك الماتىلىقتار عانا ەمەس، الماتىنىڭ بولاشاعىنا بەيجاي قاراي المايتىنداردىڭ بارلىعى ەنگىزە الادى». بىراق جوباعا قاتىستى پىكىر بىلدىرۋشىلەر ونلاين تىركەلۋ ارقىلى ءوزىنىڭ دەربەس دەرەكتەرىن وڭدەۋگە «جازباشا كەلىسىم» بەرۋى ءتيىس.

 

جاڭا جوباعا پىكىر ءبىلدىرۋ ءۇشىن ارنايى دەرەكقور تىركەۋىنەن ءوتۋ كەرەك. فوتو: almaty-2050.kz

2050 جىلعا دەيىنگى دامۋ ستراتەگياسىندا 7 باعىتقا باسىمدىق بەرىلگەن:

  1. شەتسىز قالا;
  2. «اقىلدى» قالا;
  3. تەڭ مۇمكىندىكتەر قالاسى;
  4. قاۋىپسىز قالا;
  5. جاسىل قالا;
  6. جاھاندىق ىسكەرلىك ورتالىق;
  7. مادەني كرەاتيۆتى قالا.

قالا اكىمى ءوزىنىڭ باق وكىلدەرىمەن ۇزدىكسىز جۇمىس ىستەيتىنىن دە باسا اتاپ ءوتتى. ستراتەگيانىڭ تولىق ءماتىنى Almaty-2050.kz سايتىندا جاريالانعان.

;feature=emb_title

"The Qazaq Times"