Policeydiñ kisi qaqqanın videoğa tüsirgen bloger jauapqa tartıldı

Policey jürginşini qaqqan jol apatı ornına barğan blogerdi departament basşısı smartfonın tartıp alıp, artınşa «aqılğa qonımsız» sebeppen ayıppwl salınğan.

Keşe tünde (qaraşanıñ 8-i, sağat 22:30-23:10 aralığında) Oral qalasında memnömiri 614 KR 07,  174-şi borttağı policiya patruliniñ köligi joldan ötip bara jatqan boyjetkendi qağıp ketken. Därigerlerdiñ aytuınşa, jedel järdem köligimen auruhanağa jetkizilgen 21 jastağı Larisa Beysova auır jağdayda. Oblıstıq densaulıq saqtau basqarması boyjetkenniñ bas süyegi zaqımdanıp, miı şayqalğanın mälimdedi. Auruhanada es-tüssiz jatqan qızğa tuıstarı äli jolığa almağan.

Jol apatı bolğan jerge barğan jergilikti bloger Aybolat Bökenov smartfonımen oqiğa ornın videoğa tüsirgen. Blogerdiñ sözinşe, ol Oraldıñ Zaçagansk dep atalatın audanına jetken kezde zardap şekken qızdı jedel järdem alıp ketken. Azattıqtıñ habarlauına qarağanda, Bökenov oqiğa ornına kelgen oblıstıq policiya departamentiniñ bastığı Mahswthan Ablazimovqa swraq qoyğan. Özin tüsiruge tıyım salğan policiya şeneunigi blogerdiñ smartfonın qolınan jwlıp alıp, qaramağındağı qızmetkerlerine apat bolğan jerde tüsirilgen jazbalardı öşirip tastaudı bwyırğan. Bökenovti äueli medicinalıq tekseruden ötkizuge aparğan, keyin Zaçagansk policiya bölimşesine jetkizip, üstinen «policiya qızmetkeriniñ talabına bağınbau» babı boyınşa äkimşilik qwqıqbwzuşılıq turalı hattama toltırğan. Bügin Azattıqqa bergen swhbatında bloger «Men böget jasağan joqpın, swhbat almaqşı boldım» degen.

Bügin tüsten keyin oblıstıq policiya departamentiniñ baspasöz qızmeti özine qarastı qızmet köligi jol apatına wşırağanın rastadı. Jürginşini qaqqan policiya ağa leytenantı Renat Baymwqaşevqa qatıstı Qılmıstıq kodekstiñ 345-babı («Jol jürisi nemese kölik qwraldarın paydalanu qağidaların bwzu») boyınşa tergeu bastalğanın habarlandı.

Sonımen qatar policiya departamenti bloger Aybolat Bökenovtiñ «tergeuge kedergi keltirdi» dep tüsindiruge tırısqan. Azamattıq qoğam tarapınan «aşıqtıq pen jariyalılıqtan tartınatın jabıq poziciyalı organ» dep sınalatın qwqıq qorğau organdarı belsendilerdiñ sözinşe, kez kelgen «erekşe közqarası bar azamattan qılmısker jasay aladı».

"The Qazaq Times"