Bügin «Qazaqstan men Türkiya arasındağı äskeri ıntımaqtastıq turalı kelisimdi ratifikaciyalau turalı» zañ jobası qaraldı. Atalğan kelisim QR Parlamenti Senatı Halıqaralıq qatınastar, qorğanıs jäne qauipsizdik komitetiniñ keñeytilgen otırısında talqılanğan.  

Eki el arasındağı äskeri kelisimge 2018 jılğı qırküyekte Ankarada qol qoyılğan. Kelisimniñ maqsatı — taraptar arasındağı teñ qwqıqtıq pen özara tiimdilik qağidattar negizinde äskeri ıntımaqtastıqtı damıtuğa negizdelgen. Qwjattı iske asıru boyınşa şaralar taraptarmen birlesip äzirlegen Jıldıq ıntımaqtastıq josparına säykes jüzege aspaq. Osı uaqıtqa deyin eki memleket arasındağı äskeri saladağı ıntımaqtastıq 1993 jılğı 8 tamızdağı äskeri bilim salasındağı, sonday-aq 1994 jılğı 23 aqpandağı äskeri ğılım, tehnika jäne bilim salasındağı ıntımaqtastıq turalı kelisimder negizinde jüzege asırılıp keledi.

QR Qorğanıs ministriniñ orınbasarı Timur Dändibaev: «Türkiya Qazaqstannıñ mañızdı äri negizgi strategiyalıq seriktesteriniñ biri bolıp sanaladı. Joğarıda atalğan halıqaralıq şarttardıñ keybir erejeleri eki memlekettiñ qoldanıstağı zañnamasına säykes kelmeui jäne olarda is-şaralardı ötkizu boyınşa qarjılıq şığıstarmen qamtamasız etu tärtibiniñ bolmauına baylanıstı äskeri ıntımaqtastıq salasında jaña kelisim jasau turalı şeşim qabıldanğan bolatın. Osı kelisimdi iske asıru boyınşa şaralar taraptarmen birlesip äzirlegen Jıldıq ıntımaqtastıq josparına säykes jüzege asırılatın boladı. Kelisimdi iske asıru Qazaqstannıñ äskeri saladağı mümkindikterin keñeytudi qamtamasız etedi jäne eki memleket arasındağı äskeri ıntımaqtastıqtıñ damuına oñ äser etetin boladı», – dep mälimdedi.

Kelisim äskeri dayarlıq pen oqıtudı qosa alğanda, bwdan bwrın qamtılmağan birlesken oqu-jattığulardı ötkizu, äue keñistigi arqılı äskeri müliktiñ tranziti, medicinalıq kömek körsetu, zañ qwzırettiligi, sonday-aq basqa da mäselelerdi közdeydi.

Türkiya Qazaqstannıñ mañızdı äri negizgi strategiyalıq seriktesteriniñ biri bolıp sanaladı. Osı uaqıtqa deyin eki memleket arasındağı äskeri saladağı ıntımaqtastıq 1993 jılğı 8 tamızdağı äskeri bilim salasındağı, sonday-aq 1994 jılğı 23 aqpandağı äskeri ğılım, tehnika jäne bilim salasındağı ıntımaqtastıq turalı kelisimder negizinde jüzege asırılıp keledi.

"The Qazaq Times"