AQŞ pen Pol'şa äskeri ıntımaqtastıq turalı kelisimge qol qoydı. Qwjat Amerikanıñ Pol'şadağı poziciyasın nığaytuğa bağıttalğan. Politico basılımınıñ mälimetinşe, Pol'şadağı AQŞ sarbazdarınıñ sanı bir mıñğa artıp, 5-şi jayau äsker korpusı qayta jasaqtalmaq.

2019 jılı Varşava men Uaşington AQŞ-tıñ Pol'şadağı kontingentin 4,5 mıñnan 5,5 mıñğa deyin wlğaytu turalı kelisimge qol qoydı. Al soñğı kezdesude Tramp bwl jolı respublikağa Germaniyadan odan da köp äsker jiberiletinin habarlağan. Qazir polyak jerinde 5 mıñğa juıq amerikandıq jauınger bar. Pol'şa prezidenti Andjey Dudanıñ aytuınşa, eki eldiñ äskeri ıntımaqtastığı Europanıñ qauipsizdigin küşeytedi.

Varşava keñestik däuirdegi eskirgen äskeri tehnikanı belsendi türde jañartıp, onı Amerikanıñ jaña jabdıqtarımen almastıruda. Ötken jılı Pol'şa 2026 jılğa arnalğan modernizaciyalaudıñ jaña josparın qabıldap, wşqışsız wşatın apparattardı, şabuılğa arnalğan tikwşaqtarın, qısqa qaşıqtıqtağı zımırandardı, süñguir qayıqtar men kiber qorğanıs jüyelerin satıp aluğa şamamen 50 milliard dollar böldi. Sonımen qatar Pol'şa Patriot äue qorğanıs batareyaların satıp aludı josparlap otır. Osı jıldıñ basında Pol'şa men Amerika 32 F-35A wşaqtarın satıp alu turalı kelisimge qol qoydı. Biıl Pol'şa öz aumağında «Europa-2020» äskeri jattığuların ötkizedi. Demek qazir Pol'şada NATO-nıñ jetekşi äue küşteriniñ biri boluğa barlıq mümkindik bar.

Bwğan deyin Tramp NATO jobaları ayasında qorğanıs salasına qarajattıñ jetkiliksiz jwmsaluına baylanıstı AQŞ-tıñ Germaniyadağı äskerileri sanın qısqartu jaylı söz etken. Europalıq BAQ-tıñ habarlauınşa, Tramp bwl şeşimdi Germaniyamen kelisimge kelmey jariyalağan. AFP mälimetinşe, Uaşington Germaniyadağı äskeri küşterin 25 mıñ adamğa (qazirgi 34,5 mıñ adamnan) azaytuğa nietti. Bwl sarbazdardıñ bir böligi Pol'şağa jiberiledi. AQŞ-tıñ Pol'şadağı wzaq merzimdi äskeri ıqpalı Varşava men Uaşington arasındağı qarım-qatınastı nığaytıp qana qoymay, olardı jaña deñgeyge köterdi. Bwl qauipsizdik salasındağı ıntımaqtastıq qana emes, sonımen birge birlesken sauda jäne energetikalıq jobalardı jüzege asıruğa sep bolmaq. Wzaq merzimdi strategiya eki el baylanısın nığaytıp, Pol'şanıñ aymaqtıq küş retindegi mañızın arttıradı jäne bwl baylanıstardı Donal'd Tramp biliginen keyingi jaña äkimşilik kezinde de saqtauğa mümkindik beredi.

"The Qazaq Times"