تۇركيا پرەزيدەنتى رەجەپ تايىپ ەردوعان. فوتو: https://cdnuploads.aa.com.tr

بۇگىن «قازاقستان مەن تۇركيا اراسىنداعى اسكەري ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالدى. اتالعان كەلىسىم قر پارلامەنتى سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا تالقىلانعان.  

ەكى ەل اراسىنداعى اسكەري كەلىسىمگە 2018 جىلعى قىركۇيەكتە انكارادا قول قويىلعان. كەلىسىمنىڭ ماقساتى — تاراپتار اراسىنداعى تەڭ قۇقىقتىق پەن ءوزارا تيىمدىلىك قاعيداتتار نەگىزىندە اسكەري ىنتىماقتاستىقتى دامىتۋعا نەگىزدەلگەن. قۇجاتتى ىسكە اسىرۋ بويىنشا شارالار تاراپتارمەن بىرلەسىپ ازىرلەگەن جىلدىق ىنتىماقتاستىق جوسپارىنا سايكەس جۇزەگە اسپاق. وسى ۋاقىتقا دەيىن ەكى مەملەكەت اراسىنداعى اسكەري سالاداعى ىنتىماقتاستىق 1993 جىلعى 8 تامىزداعى اسكەري ءبىلىم سالاسىنداعى، سونداي-اق 1994 جىلعى 23 اقپانداعى اسكەري عىلىم، تەحنيكا جانە ءبىلىم سالاسىنداعى ىنتىماقتاستىق تۋرالى كەلىسىمدەر نەگىزىندە جۇزەگە اسىرىلىپ كەلەدى.

قر قورعانىس ءمينيسترىنىڭ ورىنباسارى تيمۋر داندىباەۆ: «تۇركيا قازاقستاننىڭ ماڭىزدى ءارى نەگىزگى ستراتەگيالىق سەرىكتەستەرىنىڭ ءبىرى بولىپ سانالادى. جوعارىدا اتالعان حالىقارالىق شارتتاردىڭ كەيبىر ەرەجەلەرى ەكى مەملەكەتتىڭ قولدانىستاعى زاڭناماسىنا سايكەس كەلمەۋى جانە ولاردا ءىس-شارالاردى وتكىزۋ بويىنشا قارجىلىق شىعىستارمەن قامتاماسىز ەتۋ ءتارتىبىنىڭ بولماۋىنا بايلانىستى اسكەري ىنتىماقتاستىق سالاسىندا جاڭا كەلىسىم جاساۋ تۋرالى شەشىم قابىلدانعان بولاتىن. وسى كەلىسىمدى ىسكە اسىرۋ بويىنشا شارالار تاراپتارمەن بىرلەسىپ ازىرلەگەن جىلدىق ىنتىماقتاستىق جوسپارىنا سايكەس جۇزەگە اسىرىلاتىن بولادى. كەلىسىمدى ىسكە اسىرۋ قازاقستاننىڭ اسكەري سالاداعى مۇمكىندىكتەرىن كەڭەيتۋدى قامتاماسىز ەتەدى جانە ەكى مەملەكەت اراسىنداعى اسكەري ىنتىماقتاستىقتىڭ دامۋىنا وڭ اسەر ەتەتىن بولادى»، – دەپ مالىمدەدى.

كەلىسىم اسكەري دايارلىق پەن وقىتۋدى قوسا العاندا، بۇدان بۇرىن قامتىلماعان بىرلەسكەن وقۋ-جاتتىعۋلاردى وتكىزۋ، اۋە كەڭىستىگى ارقىلى اسكەري مۇلىكتىڭ ءترانزيتى، مەديتسينالىق كومەك كورسەتۋ، زاڭ قۇزىرەتتىلىگى، سونداي-اق باسقا دا ماسەلەلەردى كوزدەيدى.

تۇركيا قازاقستاننىڭ ماڭىزدى ءارى نەگىزگى ستراتەگيالىق سەرىكتەستەرىنىڭ ءبىرى بولىپ سانالادى. وسى ۋاقىتقا دەيىن ەكى مەملەكەت اراسىنداعى اسكەري سالاداعى ىنتىماقتاستىق 1993 جىلعى 8 تامىزداعى اسكەري ءبىلىم سالاسىنداعى، سونداي-اق 1994 جىلعى 23 اقپانداعى اسكەري عىلىم، تەحنيكا جانە ءبىلىم سالاسىنداعى ىنتىماقتاستىق تۋرالى كەلىسىمدەر نەگىزىندە جۇزەگە اسىرىلىپ كەلەدى.

"The Qazaq Times"