Oppoziciyalıq sayasatker Baltaş Twrsınbaev The Qazaq Times-ta qonaqta. Foto: QT

Bügin Almatı qalalıq sotınıñ sud'yası İnju Uälihan oppoziciyalıq sayasatker Baltaş Twrsımbaevtıñ «zañsız wstau» jönindegi apellyaciyalıq arızın qanağattandırmadı. 

Biılğı kezekten tıs prazident saylauı kezinde «saylaudıñ ligitimdiligine» kümändanatın azamattar beybit şeruge şıqqan bolatın. İİM-niñ deregi boyınşa, tolqu barısında 4 mıñğa juıq azamat wstalıp, 677-si sot arqılı äkimşilik qamauğa alınıp, al 305-ine äkimşilik ayıppwl salınğan edi.

Almatıda ötken beybit şeru uaqıtında Astana alañı (QBTU ğimaratınıñ aldında – red.) mañındağı qoğamdıq tamaqtanu ornınıñ birine kelgen belgili sayasatker Baltaş Twrsımbaevtı policeyler «ay-jayğa qaramastan» wstap ketken. Özin qwqıq qorğau organdarınıñ zañsız wstağanın aytıp, sotqa şağımdanğan.

Bügin Almatı qalasınıñ sotında atalğan arız boyınşa sot otırısı ötti. Bar bolğanı jartı sağatqa ğana sozılğan proceske jauapker tarap qalalıq policiya departamentinen eşkim kelmedi. Sud'yanıñ rwqsatımen söz alğan Twrsımbaev: Bwl sot jüyesi, bilik, policiya, prokuratura, WQK bizdiñ halıqtıñ juastığın paydalanıp otır. Qazir eşqanday mitingi bop jatqan joq. Biraq belsendilerdi alıp ketip, keybireulerin 5-10 künge qamap jatır. Bwnıñ barlığı wyat, masqara, – dedi.

Al qorğauşı-zañger Marjan Aspandiyarovanıñ sözinşe, küştik qwrılım ökilderi sayasatkerdiñ izine tüsip, zañsız baqılauğa alğan. Sebebi wstau barısında policiya onıñ qay jerde, kimmen jäne ne istep jürgenin bilgen körinedi. «Twrsınbaevtıñ zañsız wstalğanına onı policiya qızmetkerleriniñ eşqanday qwjat toltırmastan bosatuı dälel. Eger ol zañ bwzıp, qılmıs jasağanı üşin wstalsa, bwlay bolmas edi...», – dedi advokat. Onıñ oyınşa sot «şeşimniñ sayasi astarı bar».

Twrsımbaevtıñ apellyaciyalıq arızın qarağan Almatı qalalıq sotınıñ sud'yası İnju Älihanqızı bwğan deyingi №2 Almalı audandıq sotınıñ şeşimin eş özgertusiz qaldırdı.

Qayta qwru kezinde joğarı instanciyalarda lauazımdı qızmet atqarğan(1991-92j. Qazaq SSR-i vice-prem'eri, 1992-93j. auıl şaruaşılıq ministri, 1995-96j. Qauipsizdik keñesi hatşısı) oppoziciyalıq belsendi «aldın ala şeşilip qoyğan sot ükimine» narazı ekenin aytıp, aldağı uaqıtta «Joğarğı sotqa, odan nätije bolmasa, BWW-ğa şağımdanamız» dedi.

"The Qazaq Times"