Qazaqstandağı mıñdağan säbi öliminiñ sebebi nede?    

Biılğı qañtar-tamız aylarında Qazaqstanda 2239 säbi qaytıs bolğan.

2019 jılğı qañtar-tamız aylarında jasına tolıp ülgermegen 2239 säbi (2018 jılğı qañtar-tamız – 2117) ölimi tirkelgen. 2018 jıldıñ säykes kezeñimen salıstırğanda bir jasqa deyingi qaytıs bolğan balalar sanı biıl 5,8%-ğa östi. Qazaqstan Respublikası Wlttıq ekonomika ministrligi Statistika komitetiniñ saytında jariyalanğan «Qazaqstan Respublikasınıñ äleumettik-ekonomikalıq damuı» jinağında körsetilgen derekter boyınşa, qañtar-tamız aralığında tuğan är mıñ balağa şaqqanda 8,44 (8,09 – 2018 j.) ölim-jitim jağdayı körinis tapqan.

Näreste öliminiñ negizgi sebebi – bwl perinatal'dı kezeñde payda bolatın jağdaylar. Däl osı sebeppen biılğı qañtar-tamız aralığında 1140 (1078) näreste qaytıs boldı äri  bwl säbiler öliminiñ 50,9%-ın (50,9% – 2018 j.) qwradı. Tua bitken auıtqulardan qaytıs bolğan säbilerdiñ sanı 460 (418 – 2018 j.) nemese 20,5% (19,7% – 2018 j.), tınıs alu organdarınıñ aurularınan – 172 (140 – 2018 j.) nemese 7,7% (6,6% – 2018 j.) jäne jazatayım oqiğalardan, ulanudan jäne jaraqattanudan – 83 (95 – 2018 j.) nemese 3,7% (4,5% – 2018 j.).

Sonday-aq körsetilgen kezeñde respublikada 88014 adam qaytıs bolğan desedi. Bwğan deyin, ötken aydıñ soñında Densaulıq saqtau ministrliginiñ tauarlar men körsetiletin qızmetterdiñ sapasın jäne qauipsizdigin baqılau komitetiniñ basşısı Lyudmila Byurabekova Qazaqstan därigerleri tiri tuğan 277 näresteniñ ölimin jasırğanın mälimdegen bolatın. Onıñ sözinşe, audit qorıtındısı boyınşa 2018 jılı Qazaqstanda 277 bala tiri tuğan, biraq, onı därigerler öli tudı dep jazğanı anıqtalğan.

"The Qazaq Times"