AQŞ prezidenti Donal'd Tramp jäne Türkiya basşısı Rejep Tayıp Erdoğan. Foto: https://img.zik.ua

13 qaraşada AQŞ prezidenti Donal'd Tramp pen Türkiya basşısı Rejep Tayıp Erdoğan Aq üyde kezdesken bolatın. Jıldıñ eñ bastı kezdesuleriniñ birinde taraptar älemdik mäselelerdi, Süriyadağı operaciya men bosqındar jağdayın talqıladı.

Kezdesudiñ alğaşqı küni taraptar üş sağat äñgimelesip, izinşe baspasöz konferenciyasın wyımdastırdı. Türkiya prezidenti: «Aldımen, biz kürdterge qarsı emes, lañkesterge qarsı küresip jatqanımızdı ayta keteyik. Öñirde qazir oq atpau kelisimi saqtalıp twr. Bwl AQŞ-pen ornatılğan kelisimniñ arqası. Qazir 2,2 mıñ terroristti qamauda wstap otırmız. Al Süriyanıñ soltüstiginen 287 sodırdı wstadıq», – dep mälimdedi.

Aq üy basşısı Türkiyağa qwnı 100 mlrd dollar bolatın kelisimge keludi wsındı. Erdoğan öz kezeginde kelisim şarttarı eki el üşin de tiimdi bolsa, qol qoyuğa qarsı emes ekenin jetkizdi. Öz kezeginde AQŞ prezidenti Donal'd Tramp: «Şınında bwl qalıptasqan jağdayğa baylanıstı aytarım, Europa Türkiyağa qarjılay kömek körsetu kerek. Sebebi Türkiyada 4 mln bosqın bar. Olardı asırap-bağu üşin Ankara 40 milliard dollar jwmsağan. Bwl swmdıq qoy. Ankara öz qarajatın jwmsap, Europağa migranttardı jibermey otır», – dedi.

Tramp kelissözderdiñ birinşi künin jemisti ötti dep bağalağan. Kezdesu nätijesinde türkiyalıqtar amerikalıq Petriottı satıp alu üşin kelissöz Qazir Tramp äkimşiligi reseylik S-400 zımırandarın paydalanbaudı talap etip, onıñ ornına amerikalıq F-35 baylanıs jäne qorğau qwraldarın wsınğan. Eger Ankara Uaşingtonnıñ wsınısına kelisse, F-35 köp maqsattı joyğıştardı qwru bağdarlamasına qayta oralıp, restrikciyadan qwtıla aladı.

"The Qazaq Times"