ترامپ پەن ەردوعان كەزدەسۋىنىڭ ناتيجەسى قانداي؟

13 قاراشادا اقش پرەزيدەنتى دونالد ترامپ پەن تۇركيا باسشىسى رەجەپ تايىپ ەردوعان اق ۇيدە كەزدەسكەن بولاتىن. جىلدىڭ ەڭ باستى كەزدەسۋلەرىنىڭ بىرىندە تاراپتار الەمدىك ماسەلەلەردى، سۇرياداعى وپەراتسيا مەن بوسقىندار جاعدايىن تالقىلادى.

كەزدەسۋدىڭ العاشقى كۇنى تاراپتار ءۇش ساعات اڭگىمەلەسىپ، ىزىنشە ءباسپاسوز كونفەرەنتسياسىن ۇيىمداستىردى. تۇركيا پرەزيدەنتى: «الدىمەن، ءبىز كۇردتەرگە قارسى ەمەس، لاڭكەستەرگە قارسى كۇرەسىپ جاتقانىمىزدى ايتا كەتەيىك. وڭىردە قازىر وق اتپاۋ كەلىسىمى ساقتالىپ تۇر. بۇل اقش-پەن ورناتىلعان كەلىسىمنىڭ ارقاسى. قازىر 2,2 مىڭ تەرروريستتى قاماۋدا ۇستاپ وتىرمىز. ال ءسۇريانىڭ سولتۇستىگىنەن 287 سودىردى ۇستادىق»، – دەپ مالىمدەدى.

اق ءۇي باسشىسى تۇركياعا قۇنى 100 ملرد دوللار بولاتىن كەلىسىمگە كەلۋدى ۇسىندى. ەردوعان ءوز كەزەگىندە كەلىسىم شارتتارى ەكى ەل ءۇشىن دە ءتيىمدى بولسا، قول قويۋعا قارسى ەمەس ەكەنىن جەتكىزدى. وز كەزەگىندە اقش پرەزيدەنتى دونالد ترامپ: «شىنىندا بۇل قالىپتاسقان جاعدايعا بايلانىستى ايتارىم، ەۋروپا تۇركياعا قارجىلاي كومەك كورسەتۋ كەرەك. سەبەبى تۇركيادا 4 ملن بوسقىن بار. ولاردى اسىراپ-باعۋ ءۇشىن انكارا 40 ميلليارد دوللار جۇمساعان. بۇل سۇمدىق قوي. انكارا ءوز قاراجاتىن جۇمساپ، ەۋروپاعا ميگرانتتاردى جىبەرمەي وتىر»، – دەدى.

ترامپ كەلىسسوزدەردىڭ ءبىرىنشى كۇنىن جەمىستى ءوتتى دەپ باعالاعان. كەزدەسۋ ناتيجەسىندە تۇركيالىقتار امەريكالىق پەتريوتتى ساتىپ الۋ ءۇشىن كەلىسسوز قازىر ترامپ اكىمشىلىگى رەسەيلىك س-400 زىمىراندارىن پايدالانباۋدى تالاپ ەتىپ، ونىڭ ورنىنا امەريكالىق F-35 بايلانىس جانە قورعاۋ قۇرالدارىن ۇسىنعان. ەگەر انكارا ۋاشينگتوننىڭ ۇسىنىسىنا كەلىسسە، F-35 كوپ ماقساتتى جويعىشتاردى قۇرۋ باعدارلاماسىنا قايتا ورالىپ، رەستريكتسيادان قۇتىلا الادى.

"The Qazaq Times"