Qazaq ädebietiniñ iri ökili Beyimbet Maylinniñ quğın-sürgin aldındağı jäne keyingi beynesi. Foto: aşıq derekköz

15 qaraşa – aqın, jazuşı, dramaturg Beyimbet (Bimwhamed) Jarmağambetwlı Maylinniñ tuğan küni. Biıl qazaq prozasınıñ äñgime şeberi Beyimbet Maylinniñ 125 jıldıq mereytoyı.

Beyimbet Maylin 1894 jılı Qostanay oblısında tuğan. Arğınbay qajınıñ medresesinde, Qostanaydağı orıs-qazaq mektebinde, Ufadağı Ğaliya medresesinde, Troick qalasındağı Uäzifa medresesinde oqığan.

1923-1925 jıldarı Qostanay guberniyalıq «Auıl» gazetinde, 1925-1928 jıldarı «Eñbekşi qazaq» gazetinde, 1928-1932 jıldarı respublikalıq «Auıl tili» gazetinde ädebi qızmetker, redaktor boldı. 1932-1937 jıldarı - «Socialistik Qazaqstan» gazetiniñ bölim meñgeruşisi, redaktordıñ orınbasarı, «Qazaq ädebieti» gazetiniñ bas redaktorı qızmetterin atqarğan.

Ufadağı Ğaliya medresesinde oqığan jıldarı tatardıñ Ğ.Ibragimov, M.Ğafuri sındı aqın-jazuşılarımen şığarmaşılıq baylanısta boldı. Osı oqu ornındağı «Sadaq» qoljazba jurnalında «Mwsılmandıq belgisi» attı twñğış öleñi jarıq kördi. Onıñ alğaşqı şığarmaları - «Qostanay uezi, Dambar bolısı» oçerki, «Mwqtajdıq», «Köñilime» attı öleñi, «Mal», «Şwğanıñ belgisi» povesi, «Bolğan is» äñgimesi «Ayqap» jurnalında, «Qazaq» gazetinde jariyalandı. «Kedeyge», «Güldense auıl - güldenemiz bärimiz», «Jazğı jaylauda», «Naurız tülegi», «Kök siır», «Bizdiñ jastar», «Mırqımbay», «Äyt, şu... ala atım», «Qarasor», «Ber, Mırqımbay, qolıñdı!», «Äy, Mırqımbay», «Baydıñ qızı», «Räziya qız», «Qaşqın kelinşek», «Zaykül», «Marjan», «Qandı kek», «Seksen som», «Külpaş», «Talaq», «Qara şelek», «Aqtalğan eñbek», «Sarı ala ton», «Şapaydıñ hatı», «Arıstanbaydıñ Mwqışı», «Daudıñ bası - Dayrabaydıñ kök siırı», «Biğayşanıñ hatı», «Aştıq qwrbanı», «Soyqandı sodırlar», «Kesindiler», «Alıptardı aralağanda», «Şwğanıñ belgisi», «Rauşan - kommunist», «Azamat Azamatıç», «Qızıl jalau», «Qoñsılar», «Tartıs» attı poemalar, fel'etondar, oçerkter, povester men romandardıñ, 25 p'esanıñ, libretto men scenariylerdiñ avtorı.

Beyimbet Maylin 1938 jılı jazıqsız twtqındalıp, sayasi repressiyanıñ qwrbanı boldı. Onıñ äyeli Güljamal Maylina da qamauğa alınıp, QarLAG-qa jiberilgen.

2019 jıldıñ 25 mausımında QR Prezidenti Qasım-Jomart Toqaevtıñ Jarlığımen Qostanay oblısınıñ Taran audanı Beyimbet Maylin audanı bolıp özgerdi.

"The Qazaq Times"