Qıtay ükimeti oba indeti turalı jasırıp otır ma?

Seysenbi küni Qıtaydağı İşki Moñğol avtonomiyalı regionına qarastı Şiliñğol aymağında jwqpalı aurumen auırğan eki adamğa Beyjiñniñ sarapşı mamandarı «oba dertin jwqtırğan» degen diagnoz qoyğan. Qıtaydıñ resmileri jwqpalı auru qauipti indet küyinde emes ekenin aytqanımen, qıtaylıq qoğamda jwqpalı indettiñ üreyi tarap ketti.

Qıtayda Jwqpalı aurulardı baqılau jäne aldın-alu ortalığı särsenbide Beyjiñdegi barlıq medicinalıq jäne densaulıq saqtau bölimderi ärtürli aldın-alu jäne baqılau jwmıstarın qolğa alınğanın ayttı. Beyjiñniñ Çaoyan audanınıñ halıq ükimeti de habarlamada tiisti aldın-alu jäne baqılau şaraları jüzege asırılğanın mälimdedi. Densaulıq saqtau jäne densaulıq saqtau jönindegi wlttıq komissiya, sonımen qatar, arnayı jasaqtalğan sarapşılar tobı İşki Moñğoliyağa barıp, infekciya közi men taralu jolın anıqtauğa kirisken.

Biraq, The New York Times basılımı keşe keybir qıtaylıq aqparat közderi wsınğan mälimetterge silteme jasay otırıp, Qıtay ükimetiniñ qauipti indet jönindegi mälimetti maqsattı türde jasırıp qaluı mümkin ekenin jazğan. Bwnday täjribeler qıtaylıq bilik tarihında köptep kezdesetinin alğa tartqan. Atalğan basılım Qıtay ükimeti cenzurasımen eldegi keñ auditoriyağa ie aqparat qwraldarında obağa qatıstı mälimet taratudı, talqılaudı şektep otırğanın jazğan.

Oba – bwl adamzat tarihında asa auır zobalañ äkelgen qauipti indetterdiñ biri. Jwqpalı auru auamen tarap, qısqa ğana uaqıtta mıñdağan, jüz mıñdağan adamnıñ janın jalmaydı. «Qara ölim» degen atpen tarihta qalğan oba indeti XVI ğasırda Europada tarap, milliondağan adam qırılğan. Qazaq dalasında da bwl auru turalı türli derekter qalğan. Al, Qıtaydıñ Şanşi jäne Doñ-Bey dep atalatın soltüstik-şığıs aymaqtarında tarihta auır oba indeti tarağanı mälim.

“The Qazaq Times”