16 jastağı üy qızmetkerin satuğa ärekettengen kuveyttik äyel. Foto: BBC

«Qwl», «qwl bazarı», «qwl satu» qatarlı sözder tarihtıñ tereñ qabatında qalıp ketti dep sanaytınımız belgili. Alayda, bwl wğımdar men ataular türin özgertip, adamzat qoğamımen birge jasap keledi. Jaqında BBC-diñ arab tilindegi qızmeti ğalamtor arqılı «qwl saudasımen» aynalısatın jüyeni anıqtap şıqtı. Jasırın bazar sauattılığı joq, üy jwmıskerlerin satumen aynalısqan.

Bwnday üy jwmıskerlerin tañdau, saudalasu kädimgi Google Play jäne Apple App Store arqılı tüsiriletin arnayı bağdarlama arqılı jüzege asatını anıqtalğan. Tipti belgili heştekter arqılı Instagram jelisinen de tabuğa boladı eken.

Internet arqılı jwmıskerlerdi saudalau äreketi BWW-nıñ qatıstı twlğaların alañdattı. «Şın mänisinde bwl qwl saudalaudıñ onlayn türi dese boladı. Eger de, Google, Apple, Facebook nemese basqa da jeliler bwğan jol berip otırsa, olardı da qatañ jauapkerşilikke tartu kerek», – deydi BWW-nıñ qwldauğa qarsı arnayı ortalığınıñ ökili Urmila Bhula.

Kuveyt Parsı şığanağı arqılı älemniñ jer-jerinen jaldamalı jwmıs izdep baruşılar köp. BBC jurnalisteri özderin üy qızmetşisin izdeuşi retinde tanıstırıp 4Sale bağdarlaması arqılı öziniñ üy qızmetşisin satqısı kelgen eluden astam adammen söylesken. Olardıñ bäri de «satıp aluşığa» ortaq keñesin bergen, yağni üy qızmetkeriniñ pasportın tartıp alıp, wyalı telefon qoldanuın şekteu kerek degen «aqıldarın» aytqan.

Arab memleketindegi atalğan bağdarlama öz «tauarların» türine, jasına, bağasına qaray bölip-bölip wsınğan. Kädimgi bazar tauarları sekildi bağaları jazılğan. Kuveyt zañında 21 jastan joğarğılardı ğana üy qızmetkeri retinde jwmısqa aluğa boladı. Alayda, atalmış jüye arqılı 16 jastağı qızdar da saudalanıp jatqanı belgili bolğan. Keybir jwmıs beruşiler olardı tañnan keşke deyin, tipti keyde täulik boyı jwmısqa salatını anıqtalğan. Ärine, Kuveyttiñ eñbek zañı bwğan jol bermeydi, biraq qoğamında bwl qalıptı ürdiske aynalıp ketken.

“The Qazaq Times”