Siriyağa attanğan qazaqstandıq jihadşılar turalı videodan skrinşot. Foto: Azattıq

Bügin el astanasında ötip jatqan Qazaqstan Dintanuşılarınıñ Hİ forumında söz alğan WQK terrorizmge qarsı ortalıq bastığınıñ orınbasarı Sergey Şveykin Qazaqstandağı destruktivti ağımdı wstanuşılardıñ sanı 20 mıñnan asatının mälimdedi. Biıl «Jusan 1-3» cikldı arnayı operaciyalarımen elge Süriyadan 516 azamat elge oralğan. 

Qazaqstan Dintanuşılarınıñ Hİ forumı. Elorda. 6 qaraşa 2019 jıl. Foto: aşıq derekköz

«Ärtürli alañda älemdegi terroristik belsendiliktiñ ösip bara jatqanı belgili. Jer jahannıñ tükpir-tükpirindegi lañkestiktiñ tıyılmay, üdeui soğan dälel bola aladı. Mälimetterge süyensek, HHİ ğasırdıñ basınan beri älemde 72 mıñnan astam terakt bolıp, odan 170 mıñday adam köz jwmğan. Köp jağdayda olar radikaldı, dini ideologiyanıñ ıqpalımen jasaladı. Internettegi ülken nasihattıñ saldarınan bizdiñ jeke azamattar şeteldegi ärtürli terroristik wyımdarğa qosılıp ketedi. Radikaldı nasihattıñ qaqpanına közqarası qalıptaspağan, dini bilimi joq, jastıq maksimalizmi basım jastar tüsip qaladı. Bizdiñ azamattardıñ «Äl-Kaida» qwramına kiru üşin Auğanstanğa birinşi ret şığıp ketu jağdayı 2008 jılı tirkelgen edi. 2013 jılı Qazaqstannan şıqqandardıñ köbi Siriya men Iraka attandı. Osı kezeñge deyin şetelge 800-ge tarta Qazaqstan azamatı ötip ketken», – dedi WKQ ökili teologtar basqosuında.

«Qazaqstannan Siriyağa jihad jasauğa keldik» degen azamattar. Qızıl şeñber işindegi adamnıñ esimi – Maqsat Aymahanov. 2013 jıldıñ qazanında jariyalanğan video-ündeu. Foto: YouTube videosınan alınğan skrinşot

Sergey Şveykinniñ sözinşe, sırttağı şığıp soğıs aumağına ketken qazaqstandıqtardıñ köbi köz jwmğan. Qalğanı wstalıp, elge jetkizilgen.

Bizdiñ azamattar negizgi halıqaralıq terroristik wyımdardıñ – DAIŞ pen Äl-Kaida, Hayyat Tahrir aş-Şam qwramında da jür. Qarulı jihadqa şığıp ketken Qazaqstan azamattarınıñ basım köpşiligi destruktivti ideologiyalıq ağımda bolğan. Täjiribe körsetip otırğanday, terrorister men ekstremister däl sol destruktivti ağımdı wstanatındardıñ qatarınan şığadı. Qazirgi tañda bizdiñ esebimiz boyınşa, Qazaqstanda destruktivti ideologiyanı wstanatındardıñ sanı 20 mıñnan säl asadı. Olardıñ basım böligi Atırau, Türkistan, Aqtöbe, Qarağandı oblıstarı men Nwr-Swltan, Almatıda qalalarında twradı, – dedi Wlttıq qauipsizdik komitetiniñ polkovnigi.

WQK terrorizmge qarsı ortalıq bastığınıñ orınbasarı, WQK polkovnigi Sergey Şveykin. Foto: aşıq derekköz

Biıl Qazaqstan tarapı birneşe kezeñnen twratın «Jusan» evakuaciyalau operaciyasımen barlığı 357 qazaqstandıq bala elge jetkizilgen.

Taratıp aytqanda, 9 qañtarda «Jusan-1» Qazaqstannıñ 47 azamatı, 7 jäne 9 mamır künderi «Jusan-2» 231 azamat, olardıñ 159-ı – bala, al soñğı «Jusan-3» operaciyasımen 28-31 mamırda 67 äyel, 171 bala Süriyadan oralğan edi.

Bwdan jıl bwrın, 2018 jıldıñ şildesinde Qazaqstannıñ Wlttıq qauipsizdik komiteti (WQK) Siriya men Irakta soğıs bastalğalı Tayau Şığısqa 800-ge tarta qazaqstandıq ketkenin habarlağan. Komitet Süriya men Iraktağı halıqaralıq terrorlıq wyımdarda Qazaqstannan ketken 120 er adam, 250-den astam äyel jäne 500 bala barın aytqan.

"The Qazaq Times"