Densaulıq saqtau ministrliginiñ tauarlar men körsetiletin qızmetterdiñ sapasın jäne qauipsizdigin baqılau komitetiniñ basşısı Lyudmila Bwyrabekova. Foto: QR prezidenti janındağı Ortalıq kommunikaciyalar qızmeti

Ortalıq kommunikaciyalar qızmeti ortalığında ötken baspasöz jiınında DSM Tauarlar men körsetiletin qızmet sapasın jäne qauipsizdigin baqılau komitetiniñ basşısı Lyudmila Bwyrabekova BAQ ökilderin Atıraudağı atışulı perzenthanağa tekseru jürgizgen arnayı komissiyanıñ qorıtındısımen tanıstırdı. 

Apta basında DSM jürgizgen audit qorıtındısı boyınşa, 2018 jılı Qazaqstanda 277 bala tiri tuğan, biraq, onı därigerler öli tudı dep jazğanı anıqtalğan edi.

Sonda komitet basşısı Lyudmila Bwyrabekova tilşilerge:

– Biz Qazaqstanda öli tuğan närestelerdiñ 2018 jılğı körsetkişi boyınşa analiz jasadıq. Osı tekserude aymaqtardıñ statistikanı jaqsartu üşin balalar tiri tuıp, keyin ölip qalsa da, onı öli tudı dep eseptegen jağdaylardı anıqtadıq, – degen bolatın.

«Osı jıldıñ 9 ayında Atırau oblısında 1 jasqa deyingi säbilerdiñ 156 ölimi tirkelgen. Onıñ işinde 98 bala oblıstıq perinataldıq ortalıqta, qalğan 54-i basqa medicinalıq wyımdarda qaytıs bolğan. 4 bala üyde köz jwmğan. Säbi öliminiñ negizgi sebebi perinataldıq kezeñdegi jağday, infekciyalıq aurular, tua bitken kemistikter, jazatayım oqiğalar bolıp otır», – dedi Lyudmila Bwyrabekova.

Jaña tuğan şaranalar ölim-jitiminiñ köbeyui tamız-qırküyek aylarında arta tüsken. Qoğamdıq rezonans tudırğan mäseleniñ şınayı sebebin bilu üşin  qaytıs bolğan 42 balanıñ medicinalıq kartası egjey-tegjeyli tekserilgen desedi. Onıñ 74%-ı 2,5 kelige jetpeytin salmaqpen tuğan.

Epidemiologiyalıq tekseruler nätijesinde bazalıq normativter men tazalıqtıñ saqtalmauınan infekciya tarağanı, saldarınan otızğa tarta säbidiñ köz jwmğanı anıqtalıp, däleldengen.

«Dezinfekciyalıq, steril'dik rejimder saqtalmağan. Mekemeniñ özinde jeke kir juu bölmesi  bolmağan. Al kelisimşart boyınşa qızmet körsetetin käsiporın sanitarlıq talaptarğa mülde say emes ekeni anıqtaldı.  Jaña tuğan närestelerdi sanaviaciyamen tasımaldau kezinde de sanitarlıq talaptar saqtalmağan. Audannan oblısqa jetkizu kezde infekciya jwğıp otırğan. Tamız-qırküyek ayında qaytıs bolğan 42 säbidiñ 26-sı auruhana işindegi infekciyadan köz jwmğanı anıqtaldı», – dedi ol.

Bilikti 26 mamannan qwrılğan komissiya anıqtağan derekterdi alğa tartqan Bwyrabekovanıñ sözinşe, därigerlerdiñ köbi jwmısında qoldanılatın normativtik bazanı mülde bilmeydi äri mekemede emdeu-diagnostika tärtibi saqtalmağan.

Infekciyalıq baqılau talaptarı bwzılğan körinedi. Säykesinşe 26 säbidiñ ölimine sebep bolğan infekciyanıñ auruhana işinde taraluına jauaptı adamdarğa äkimşilik jaza qoldanılğan-mıs.

 «Distologiyalıq materialdı zertteu kezinde perinataldıq ortalıq mamandarı qoyğan klinikalıq diagnozdardı sarapşılar rastağan joq. 18 balanıñ denesinen bakteriyalıq sepsis anıqtaldı. Perinataldıq ortalıq qoyğan klinikalıq jäne pataloganatomiyalıq diagnozdardıñ tek 15,4%-ı ğana rastaldı. Qırküyek ayında qoyılğan diagnozdardıñ 35%-ı rastalsa,  qalğan 65%-ında diagnoz rastalmadı. Bakteriyalıq sepsisten köz jwmğan 8 balanıñ diagnozın perinataldıq ortalıq mamandarı mülde basqalay jorığan. Osıdan-aq auruhana işinde infekciya tarağanın köruge boladı. Onı şetinegen balalardıñ qanı rastadı.  Sanitarlıq-epidemiologiyalıq jağdaydı baqılauda wstamağannıñ saldarınan dert qırküyekke deyin jalğasqan», – deydi komitet basşısı Bwyrabekova.

Vedomstvo ökiliniñ aytuınşa, aldağı uaqıtta eldiñ kümän-küdigin küşeytken jüyelik mäseleler negizinde respublika köleminde barlıq perzenthanalarğa qatañ tekseru jürgizilmek.

"The Qazaq Times"