Qazaqstannıñ bwrınğı prezidenti N.Nazarbaev Türkiya prezidenti T.Erdoğanmen kezdesti. Baku, Äzirbayjan. 15 qazan 2019 jıl. Foto: elbasy.kz

QR eks-prezidenti, «Qauipsizdik keñesiniñ mäñgilik törağası», «wlt köşbasşısı» Nwrswltan Nazarbaev keşe Türkiya prezidenti Rejep Tayıp Erdoğan jäne Özbekstan prezidenti Şavkat Mirzieevpen kezdesti.

Äzerbayjan astanası Bakude türki tildes memleketterdiñ ıntımaqtastığı keñesiniñ 7-şi sammiti ayasında kezdesken Nazarbaev pen Erdoğan «türki älemi elderi integraciyalıq üderisiniñ qazirgi jağdayı men aldağı perspektivaların talqılağan» körinedi.

Elbasy.kz twñğış prezidenttiñ aqparattıq saytı keltirgen mälimet boyınşa,  taraptar aymaqtıq qauipsizdikti jäne Euraziya qwrlığı memleketteriniñ twraqtı damuın qamtamasız etu mäseleleri jöninde pikir almasqan.

Qazaqstannıñ bwrınğı prezidenti N.Nazarbaev Türkiya prezidenti T.Erdoğanmen kezdesti. Baku, Äzirbayjan. 15 qazan 2019 jıl. Foto: elbasy.kz

Sonımen qatar, Bakudegi jiın barısında qazaqstandıq eks-prezident tası örge domalağan özbek eliniñ köşbasşısı Şavkat Mirzieevpen de jüzdesip, arnayı şara ötken.

Kezdesu kezinde   Nazarbaev   Mirzieevtiñ basşılığımen qol jetkizilgen Özbekstannıñ äleumettik-ekonomikalıq damuınıñ nätijelerine toqtaldı desedi.

– Qazaqstan men Özbekstan öte jaqın jäne mañızdı seriktes. Özara tauar aynalımı 2,5 milliard dollarğa jetti. Bwğan deyin mwnday körsetkişter bolğan emes. Bwl jaqsı perspektivalarğa jol aşıp otır, – degen Nazarbaev.

Qazaqstannıñ bwrınğı prezidenti N.Nazarbaev Özbekstan prezidenti Ş.Mirzieevpen kezdesti. Baku, Äzirbayjan. 15 qazan 2019 jıl. Foto: elbasy.kz

Sonday-aq, Ş.Mirzieev Özbekstandağı Qazaqstan jılı ayasında ötip jatqan is-şaralardıñ orındalu jayın söz etti. Aytpaqşı, mwqım türki jwrağatınıñ keñesinde Nazarbaev Türki äleminiñ Joğarı Ordenimen marapattalğan. Bwğan qatıstı Nazarbaev:

– Mağan «Türki Keñesiniñ Qwrmetti Törağası» märtebesin beru turalı wsınısı üşin Prezident Rejep Erdoğanğa alğıs bildiremin. Osı bastamanı qoldağandarıñız üşin barşañızğa rizamın. Bwl joğarı märtebe mağan ortaq wyımımızdıñ jwmısına odan äri belsendi qatısuğa mümkindik beredi, – dep ağınan jarıldı.

Qazaqstan-Özbekstan delegaciyaları kezdesui barısında eks-prezident pen qızmettegi prezident tildesken. Baku, Äzirbayjan. 15 qazan 2019 jıl. Foto: elbasy.kz

Eks-basşınıñ sırtqı isterde ökildik missiyasında jii körinui äleumettik jeli qoldanuşıları men sarapşılardıñ sıni pikirine ilikti. Türki tildes elderdiñ basşıları ökildik etken otırısqa Qazaqstannıñ qazirgi prezidenti Qasım-Jomart Toqaev qatısqan joq. Jeti jwrttıñ basşıları bas qosqan alqalı jiınğa Nazarbaevpen birge Qazaqstan vice-prem'eri Berdibek Saparbaev ere barğan.

Türkitildes memleketter ıntımaqtastıq keñesine müşe elder basşılarınıñ 7-şi sammitiniñ otırısı. Baku, Äzirbayjan. 15 qazan 2019 jıl. Foto: elbasy.kz

"The Qazaq Times"