Äl-Farabi atındağı Qazaq wlttıq universitetinde «Ruhani jañğıru» bağdarlamasındağı «Qazaqstannıñ kieli jerleri» bağıtı boyınşa jurnalistika fakul'teti men «Fotoöner» qoğamdıq birlestiginiñ wyımdastıruımen «Kieli Altay» fotokörmesi köpşilik nazarına wsınıldı.

Biıl şildede Şığıs Qazaqstan oblısında Äl-Farabi atındağı QazWU-dıñ jurnalistika fakul'tetiniñ qoldauımen «Kieli Altay: Berel-2019» attı respublikalıq foto blog-tur ötken bolatın. Atalğan fotokörme blog-tur ayasında wyımdastırılıp otır.

Osı rette respublikalıq «Fotoöner» qoğamdıq birlestiginiñ törağası, QazWU-dıñ jurnalistika fakul'tetiniñ oqıtuşısı Asılhan Äbdirayımwlı: «Bizdiñ maqsatımız – şığıs öñiriniñ kieli jerlerin, atap aytqanda «Berel» memlekettik tarihi-mädeni qorıq-mwrajayın jas fotograftardıñ közimen tüsirip, köpşilikke wsınu. Bolaşaqta osı suretterdi Almatıda ğana emes, Öskemende, Semeyde fotokörmege qoyuğa, äri osı öñirdegi turizm salasına üles qosu, at salısu, nasihattau jwmıstarın jjürgizudi maqsat etemiz. Bir sözben aytqanda, osınday tabiğatı keremet tarihi jeri bar öñirdi elimizge jäne älemge tanıstıru», — dep toqtalıp ötti.

Fotokörmeden keyin Altay aymaqtıq fotosuretşiler qoğamı törağasınıñ orınbasarı, Qazaqstan «Fotoöner» qoğamdıq-birlestiginiñ müşesi, fotoöner magistri Serik Mwqışwlınıñ jurnalistika fakul'tetinde şeberlik sabağı ötti. Şeberlik sağatında derekti fotonıñ qır-sırı tüsindirilip, bügingi fotojurnalistikanıñ jetistikteri men kemşin twstarı talqılandı.

"The Qazaq Times"