ءال-فارابي اتىنداعى قازاق ۇلتتىق ۋنيۆەرسيتەتىندە «رۋحاني جاڭعىرۋ» باعدارلاماسىنداعى «قازاقستاننىڭ كيەلى جەرلەرى» باعىتى بويىنشا جۋرناليستيكا فاكۋلتەتى مەن «فوتوونەر» قوعامدىق بىرلەستىگىنىڭ ۇيىمداستىرۋىمەن «كيەلى التاي» فوتوكورمەسى كوپشىلىك نازارىنا ۇسىنىلدى.

بيىل شىلدەدە شىعىس قازاقستان وبلىسىندا ءال-فارابي اتىنداعى قازۇۋ-دىڭ جۋرناليستيكا فاكۋلتەتىنىڭ قولداۋىمەن «كيەلى التاي: بەرەل-2019» اتتى رەسپۋبليكالىق فوتو بلوگ-تۋر وتكەن بولاتىن. اتالعان فوتوكورمە بلوگ-تۋر اياسىندا ۇيىمداستىرىلىپ وتىر.

وسى رەتتە رەسپۋبليكالىق «فوتوونەر» قوعامدىق بىرلەستىگىنىڭ توراعاسى، قازۇۋ-دىڭ جۋرناليستيكا فاكۋلتەتىنىڭ وقىتۋشىسى اسىلحان ءابدىرايىمۇلى: «ءبىزدىڭ ماقساتىمىز – شىعىس ءوڭىرىنىڭ كيەلى جەرلەرىن، اتاپ ايتقاندا «بەرەل» مەملەكەتتىك تاريحي-مادەني قورىق-مۇراجايىن جاس فوتوگرافتاردىڭ كوزىمەن ءتۇسىرىپ، كوپشىلىككە ۇسىنۋ. بولاشاقتا وسى سۋرەتتەردى الماتىدا عانا ەمەس، وسكەمەندە، سەمەيدە فوتوكورمەگە قويۋعا، ءارى وسى وڭىردەگى تۋريزم سالاسىنا ۇلەس قوسۋ، ات سالىسۋ، ناسيحاتتاۋ جۇمىستارىن ججۇرگىزۋدى ماقسات ەتەمىز. ءبىر سوزبەن ايتقاندا، وسىنداي تابيعاتى كەرەمەت تاريحي جەرى بار ءوڭىردى ەلىمىزگە جانە الەمگە تانىستىرۋ»، — دەپ توقتالىپ ءوتتى.

فوتوكورمەدەن كەيىن التاي ايماقتىق فوتوسۋرەتشىلەر قوعامى توراعاسىنىڭ ورىنباسارى، قازاقستان «فوتوونەر» قوعامدىق-بىرلەستىگىنىڭ مۇشەسى، فوتوونەر ماگيسترى سەرىك مۇقىشۇلىنىڭ جۋرناليستيكا فاكۋلتەتىندە شەبەرلىك ساباعى ءوتتى. شەبەرلىك ساعاتىندا دەرەكتى فوتونىڭ قىر-سىرى ءتۇسىندىرىلىپ، بۇگىنگى فوتوجۋرناليستيكانىڭ جەتىستىكتەرى مەن كەمشىن تۇستارى تالقىلاندى.

"The Qazaq Times"