Resey basşısı Vladimir Putin jäne Qazaqstan prezidenti Qasım-Jomart Toqaev. Foto: Google

Bügin prezident Qasım-Jomart Toqaev Vladimir Putinniñ şaqıruımen Reseydiñ Soçi qalasına saparlap baradı.

Eki el basşısı on altınşı ret wyımdastırılıp otırğan «Valday» halıqaralıq pikirtalas klubınıñ otırısına qatısadı. Şara älemdik sayasi qwrılımdağı Şığıs elderiniñ rölin talqılauğa arnaladı. Sonımen qatar, Euraziya keñistigindegi ortaq is-qimıldardıñ keleşegi men Tayau Şığıs mäseleleri qaraladı. Plenarlıq otırısta Qazaqstan men Resey basşılarınan bölek, Äzirbayjan prezidenti, Iordaniya Koroli jäne Filippin prezidenti söz söyleydi. Mälimetter boyınşa, otırıs alañında prezident birqatar ekijaqtı kezdesu de ötkizui mümkin.
«Valday» halıqaralıq pikirsayıs klubınıñ otırısı 30 qırküyek pen 3 qazan aralığında ötedi. Biılğı kezdesudiñ taqırıbı – «Şığıs şapağatı jäne älemdik sayasi qwrılım». Panel'dik sessiya 3 qazanda ötedi, onıñ taqırıbı – «Älemdik qwrılım: Şığıstıñ közqarası».

Atalğan pikirsayıs 2003 jıldan beri halıqaralıq masştabta wyımdastırılıp keledi. Arnayı formatqa säykes, plenarlıq sessiyağa qatısuşılar aldımen söz söyleydi, sodan keyin sarapşılar men pikirsayıs moderatorınıñ swraqtarına jauap beredi.

"The Qazaq Times"