Elordada ötken Ükimet otırısında 2019 jılğa arnalğan byudjet jobası naqtılandı.

Mälimetter boyınşa, biıl naurızda tüzetilgen äleumettik-ekonomikalıq damu boljamınıñ negizgi körsetkişteriniñ saqtaluın eskere otırıp, 2019 jılğa arnalğan respublikalıq byudjetke naqtılanğan kirister 7081,3 mlrd teñgeni, şığındar – 12028,1 mlrd teñge bolğan. Osığan qatıstı prem'er-ministr Asqar Mamin: «Tüzetilgen byudjet kiristeri men şığıstarı äleumettik mindetterdi şeşu üşin qosımşa qarjılandıru qajettiligin jabuğa, ekonomikalıq ösudiñ qosımşa közderin qwruğa mümkindik beredi», – deydi. Sonımen qatar, memlekettik organdarğa belgilengen tärtipte «2019-2021 jıldarğa arnalğan respublikalıq byudjet turalı» Qazaqstan Respublikasınıñ Zañına özgerister engizu turalı» zañ jobasın QR Parlamentiniñ qarauına engizudi tapsırıldı.

Kezekti ükimet otırısı barısında Wlttıq ekonomika ministri R.Dälenov negizgi makrokörsetkişter jäne byudjet parametrleriniñ boljamı turalı bayandama jasap, qarjı ministriniñ birinşi orınbasarı B.Şolpanqwlov 2019 jılğa arnalğan naqtılanğan respublikalıq byudjettiñ jobasımen tanıstırdı. Osı rette ekonomikalıq ösudiñ qosımşa közderin öñdeu önerkäsibin qoldauğa arnalğan qarajattı qayta bölu, salımşılarğa twrğın üy qarızdarın beru üşin «Qazaqstannıñ Twrğın üy qwrılıs jinaq banki» AQ nesielendiru, Pavlodar jäne Aqtöbe oblıstarınıñ swranısqa ie suarmalı jerleriniñ gidromeliorativti jüyelerin rekonstrukciyalau, sonday-aq Jambıl oblısında auılda kooperaciyanı damıtudıñ pilottıq jobasın jüzege asıru arqılı qwru josparlanğan. Osı mindetterdi 199,1 mlrd teñge somasında şığıstardı qayta bölu jäne osı jıldıñ 9 ayınıñ qorıtındısı boyınşa byudjet kiristerin 94,9 mlrd teñge mölşerinde tüzetu jolımen qarjılıq qoldau wsınılıp otır.

"The Qazaq Times"