QR Bas prokurorınıñ birinşi orınbasarı Asılov Berik Noğaywlı. Foto: aşıq derekköz

QR Bas prokurorınıñ birinşi orınbasarı Asılov Berik Noğaywlı zañsız narazılıq akciyaların ötkizetinder qanday jauapkerşilikke tartılatının tüsindirip ündeu jariyaladı.

Keşe Bas prokuraturası Qoğamdıq müddelerdi qorğau qızmetiniñ bastığı Saparbek Nwrpeyisov 21 qırküyekte ötui mümkin mitingke jäne onıñ wyımdastıruşısı Äbilyazovqa qatıstı pikir bildirip, «köşege şıqpas bwrın rwqsat alu kerek» dep aytqan bolatın. Bügin Azamattıq bastamalar koaliciyası aydıñ alğaşqı aptasında «Qıtay ekspansiyasına» qarsı ötken narazılıqtarda közge tüsken 50 şaqtı belsendi eki aptadan soñ, 16-20 qırküyek aralığında jappay wstalıp, keybiri 15 täulikke deyin sottalğanın mälimdedi.

Sarapşılar azamattıq qoğam belsendilerin jappay twtqındau äreketi sırttay 20 jılğa sottalıp, artınan jazası ömir boyına bas bostandığın ayıruğa auıstırılğan ekonomist, eks-bankir Mwhtar Äbilyazov jetekşilik etetin Qazaqstanda resmi türde ekstremistik wyım retinde tanılğan  QDT qozğalısı şaqırğan 21 qırküyek küni ötui mümkin narzılıqtarğa baylanıstı ekenin aytadı. «Alañğa şıqqandardıñ bärin Äbilyazovtıñ jaqtastarı dep sanau biliktiñ ülken qateligi» deydi qoğam belsendileri.

Biliktiñ QDT jaqtastarı men azamattıq qoğam ökilderiniñ arajigin ajıratpay jatıp  jappay jauapqa tartuı qanşalıqtı "önimdi profilaktika" ekeni belgisiz. Tömende Bas prokuratura ökili, birinşi orınbasar Berik Noğaywlınıñ «Prokuratura turalı» Zañnıñ 31-babı tärtibindegi ündeui:

QWRMETTİ AZAMATTAR!

Äleumettik jelilerde tıyım salınğan jäne sotpen ekstremisttik dep  tanılğan «Qazaqstannıñ demokratiyalıq tañdauı» wyımmen 2019 jılğı 21 qırküyekte zañsız narazılıq akciyaların ötkizuge jäne oğan qatısuğa şaqıru taratıluda.

Destruktivti küşter äleumettik qoldau şaraları, memleketaralıq qatınastar turalı jalğan aqparat tarata otırıp, halıqtı adastırıp  tärtipsizdikterdi, äleumettik jäne wlttıq arazdıqtı tudıru arqılı qoğamdıq qauipsizdikke qauip töndiredi.

Mwnday äreketterge zañmen tıyım salınğan, sondıqtan qwqıq qorğau organdarı zañ bwzuşılarğa zañmen belgilengen tärtipte den qoyıp, qatañ şaralar qoldanatın boladı.

Qwqıq bwzuşılıqtardıñ aldın alu, zañsız äreketterge jol bermeu, qoğamdıq qauipsizdikti qamtamasız etu jäne azamattardıñ qwqıqtarın qorğau maqsatında Qılmıstıq kodekste jauaptılıq qarastırılğanına  nazar audaramız:

-174-bapta äleumettik, wlttıq, dini arazdıqtı qozdırğanı üşin, sonday-aq olardı nasihattaytın materialdardı dayındağanı, taratqanı üşin (eger olar auır zardaptarğa äkep soqsa, 20 jılğa deyin bas bostandığınan ayıru mümkin);

400-bapta azamattardıñ, wyımdardıñ nemese memlekettiñ qwqıqtarı men zañdı müddelerine aytarlıqtay ziyan keltirgeni üşin (200 AEK-ke deyin ayıppwl nemese 50 künge deyin qamauğa alu);

Äkimşilik qwqıq bwzuşılıq turalı kodekstiñ 488-babında beybit jinalıstardı, mitingilerdi, şerulerdi, piketter men demonstraciyalar wyımdastıru men ötkizu erejelerin bwzğanı üşin jauapkerşilik qarastırılğan (auırlatatın jağdaylarda - 50 AEK ayıppwl, 15 künge deyin qamauğa alu qaralğan). Qwrmetti azamattar, Bas prokuratura sonımen birge ekstremistik wyımnıñ qızmetine qatısu jäne qarjılandıru

Qılmıstıq kodekstiñ 182, 258 jäne 405-baptarına säykes qılmıstıq jauaptılıqqa äkep soqtıratının tüsindiredi:

- 405-bapta ekstremistik wyımnıñ qızmetine qatısqanı üşin (2 jılğa deyin bas bostandığınan ayıru);

- 158-bapta ekstremistik top qwru, oğan basşılıq etu nemese onıñ qızmetine qatısu üşin (mülkin tärkileumen 17 jılğa deyin bas bostandığınan ayıru);

- 258-bapta terroristik nemese ekstremistik äreketke dem beruşilik  jäne terrorizm men ekstremizmniñ basqa da joldarın qarjılandıru üşin  (mülki tärkilenip 12 jılğa deyin).

Sonımen qatar, qatısu degenimiz tek zañsız äreketterdi wyımdastıru jäne jürgizu ğana emes, sonımen birge tıyım salınğan wyım ideyaların ügitteu, nasihattau, jariyalau, bukletter, posttar, pikirler jäne basqa da aqparattıq materialdardı dayarlau, şığaru jäne taratu bolıp tabıladı.

Qarjılandıru degenimiz - aqşanı nemese basqa mülikti beru, jinau, sıylıq jasau, auıstıru, demeuşilik, qayırımdılıq kömek, aqparat jäne basqa da qızmetter körsetu sanaladı. Sonımen birge, qoldanıstağı zañnamağa säykes ekstremistik toptıñ qızmetine qatısudı erikti türde toqtatatın adamdar qılmıstıq jauapkerşilikten bosatıladı.

Joğarıda atalğandardı eskere otırıp, Bas prokuratura azamattardı zañdardı qatañ saqtauğa, arandatuşılıqqa boy aldırmauğa jäne elimizde tıyım salınğan wyımdardıñ zañsız äreketteri men qızmetine qatıspauğa şaqıradı.

"The Qazaq Times"