24 mausımda orın alğan jarılıs oqiğası. Foto: titus.kz

Keşe, qırküyektiñ 13-i küni  Arıs qalasında äskeri qızmetşiler qoyma aumağın oq-däriler fragmentterinen tazartu kezinde jarılıs bolıp, saldarınan 4 sarbaz jaraqat alğan.

QR Qorğanıs ministrliginiñ aqparattıq habarlaması  boyınşa, jaralanğan äskeriler arnayı bortpen Almatı qalasındağı Qorğanıs ministrliginiñ äskeri klinikalıq gospitaline jetkizilgen. Ministrlik orın alğan fakti boyınşa äskeri policiya tekseru jürgizip jatqanın habarlağanımen, jaralanğan  äskerilerdiñ jağdayı boyınşa aqpar bermedi.

Vedomstvo habarlauına qarağanda, «Arıs twrğındarına eşqanday qater tönbeyd,i qauip joq. Jağday baqılauda». Biraq onda «oq-däri bölşekterin tolıq jinau men olardı zalalsızdandıruğa birşama uaqıt kerek» delingen.

Esteriñizge sala ketsek,  bwğan deyin 5 şildede Arısta oq-därilerdi zalalsızdandıru äri tazartu kezinde de jarılıs bolğan edi.  Qorğanıs ministrligi «zardap şekkender joq» dep habarlağan.

24 mausımda Arıs qalasındağı äskeri qoyma jarılıp, tötenşe jağday saldarınan 4 kisi köz jwmğan. Resmi derek boyınşa, qoymadağı oq-däriniñ 70%-dan astamı jarılıp ketken. Qaladağı twrğın üylerdiñ 80%-ı bülingen. Apattan bassauğalap öz betinşe 40 mıñğa tarta halıq özin-özi evakuaciyalağan twğın.

"The Qazaq Times"