«Ukraina Reseyge qarsı»: Europanıñ adam qwqıqtarı jönindegi sotında Qırım mäselesine qatıstı process bastaldı.

Jergilikti BAQ ökilderiniñ mälimetinşe, Qırım mäselesine baylınıstı sot otırısı jergilikti uaqıt boyışa tañğı sağat 9:15-te bastalğan. Ukraina Reseyge qarsı arızdı 2014 jıldıñ naurız ayınıñ 14-i küni bergen. Resmi Kiev pikirinşe, RF 2014 jıldıñ 27-şi aqpanınan bastap Ukrainanıñ ajıramas böligi sanalatın Qırım Avtonomiyalıq Respublikasın öz baqılauında wstap keledi.

Ukraina tarapı adam qwqıqtarı men bostandığı halıqralıq Konvenciyasın alğa tarta otırıp arızdanğan. Olar Qırımda Ukraina memleketine qızmet atqaratın qwqıq qorğau organdarı men äskeri qızmetkerlerdiñ ölimine Resey Federaciyasınıñ qatısı bar dep esepteydi.

Aqpan ayında Europanıñ adam qwqıqtarı jönindegi sotı atalmış isti aşıq qaraudı keyinge qaldırğan. Sot «Resey Qırımdı Memlekettik Duma anneksiyalau jönindegi şeşimdi şığarğanğa deyin baqılauına aldı ma?» degen mäseleni qarauı tiis.

"The Qazaq Times"