«ۋكراينا رەسەيگە قارسى»: ەۋروپانىڭ ادام قۇقىقتارى جونىندەگى سوتىندا قىرىم ماسەلەسىنە قاتىستى پروتسەسس باستالدى.

جەرگىلىكتى باق وكىلدەرىنىڭ مالىمەتىنشە، قىرىم ماسەلەسىنە بايلىنىستى سوت وتىرىسى جەرگىلىكتى ۋاقىت بويىشا تاڭعى ساعات 9:15-تە باستالعان. ۋكراينا رەسەيگە قارسى ارىزدى 2014 جىلدىڭ ناۋرىز ايىنىڭ 14-ءى كۇنى بەرگەن. رەسمي كيەۆ پىكىرىنشە، رف 2014 جىلدىڭ 27-ءشى اقپانىنان باستاپ ۋكراينانىڭ اجىراماس بولىگى سانالاتىن قىرىم اۆتونوميالىق رەسپۋبليكاسىن ءوز باقىلاۋىندا ۇستاپ كەلەدى.

ۋكراينا تاراپى ادام قۇقىقتارى مەن بوستاندىعى حالىقرالىق كونۆەنتسياسىن العا تارتا وتىرىپ ارىزدانعان. ولار قىرىمدا ۋكراينا مەملەكەتىنە قىزمەت اتقاراتىن قۇقىق قورعاۋ ورگاندارى مەن اسكەري قىزمەتكەرلەردىڭ ولىمىنە رەسەي فەدەراتسياسىنىڭ قاتىسى بار دەپ ەسەپتەيدى.

اقپان ايىندا ەۋروپانىڭ ادام قۇقىقتارى جونىندەگى سوتى اتالمىش ءىستى اشىق قاراۋدى كەيىنگە قالدىرعان. سوت «رەسەي قىرىمدى مەملەكەتتىك دۋما اننەكسيالاۋ جونىندەگى شەشىمدى شىعارعانعا دەيىن باقىلاۋىنا الدى ما؟» دەگەن ماسەلەنى قاراۋى ءتيىس.

"The Qazaq Times"